ബെംഗളൂരു: അപരവേദനകര്‍ സ്വാംശീകരിച്ച് അക്ഷര ശില്‍പമായി വിനിമയം ചെയ്യുന്ന കവികള്‍ സമൂഹ മനസ്സിനെ വിമലീകരിക്കുന്ന മഹത്തായ ധര്‍മ്മമാണ് നിര്‍വഹിക്കുന്നതെന്ന് എഴുത്തുകാരന്‍ കെ.ആര്‍.കിഷോര്‍ അഭിപ്രായപ്പെട്ടു. നാസര്‍ നീലസന്ദ്രയുടെ ‘വിഷാദവര്‍ഷങ്ങള്‍’-കവിതാസമാഹാരം പ്രകാശനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. വ്യക്തിപരവും സാമൂഹികവുമായ വിഷാദങ്ങളെ ആര്‍ദ്രഭാവങ്ങളോടെയാണ് ഈ സമാഹാരത്തില്‍ ആവിഷ്‌കരിക്കുന്നതെന്നും കെ.ആര്‍.കിഷോര്‍ കൂട്ടിച്ചേര്‍ത്തു.
സഹൃദയവേദിയുടെ ആഭിമുഖ്യത്തില്‍ ഇന്ദിരാനഗര്‍ റോട്ടറി ക്ലബ്ബ് ഹാളില്‍ നടന്ന പരിപാടി എ.ഐ.കെ.എം.സി.സി അഖിലേന്ത്യാ ജനറല്‍ സെക്രട്ടറി എം.കെ. നൗഷാദ് യോഗം ഉദ്ഘാടനം ചെയ്തു. രമ പിഷാരടി അധ്യക്ഷത വഹിച്ചു. മെറ്റി കെ ഗ്രേസ് സ്വാഗതം പറഞ്ഞു. കെ.ആര്‍. കിഷോര്‍ എഴുത്തുകാരന്‍ സതീഷ് തോട്ടശ്ശേരിയ്ക്ക് നല്‍കി പുസ്തക പ്രകാശനം നിര്‍വഹിച്ചു. ഇന്ദിരാബലന്‍ പുസ്തകത്തെ പരിചയപ്പെടുത്തി.
ലതാ നമ്പൂതിരി, ബിന്ദു പി മേനോന്‍, സിന കെ.എസ്, രതിസുരേഷ്, ദിവ്യാകല്യാണി, നീതു കുറ്റിമാക്കല്‍ എന്നിവര്‍ കവിതാസ്വാദനം അവതരിപ്പിച്ചു. എസ്.കെ.നായര്‍ മുഹമ്മദ് കുനിങ്ങാട്, ഷംസുദ്ദീന്‍ കൂടാളി, അനീസ് സി.സി. ഓ, ഡോ.എന്‍.എ.മുഹമ്മദ് റഫീഖ്, നജീബ്, അഡ്വ. സത്യന്‍ പുത്തൂര്‍, ഗൗതം രാജീവ്, എന്നിവര്‍ സംസാരിച്ചു. ഗ്രന്ഥകാരന്‍ നാസര്‍ നീലസാന്ദ്ര മറുപടി പ്രസംഗം നടത്തി. അര്‍ച്ചന സുനില്‍ നന്ദി പറഞ്ഞു.
SUMMARY: Nassar Neelasandra’s ‘Vishadha Varshangal’ – Poetry Collection Released
