ബെംഗളുരു: പോസ്റ്റ്മോർട്ടം റിപ്പോർട്ട് നല്‍കുന്നതിനായി കൈക്കൂലി വാങ്ങിയെന്ന ആരോപണത്തെ തുടര്‍ന്ന് ബെലന്തൂർ എസ്ഐയെയും കോൺസ്റ്റബിളിനെയും സസ്പെൻഡ് ചെയ്തു. ബെലന്തൂർ എസ്ഐ സന്തോഷ്, കോൺസ്റ്റബിൾ ഗോരഖ്നാഥ് എന്നിവരെയാണു അന്വേഷണ വിധേയമായി സസ്പെൻഡ് ചെയ്തത്.
മകളുടെ പോസ്റ്റ്മോര്‍ട്ടം റിപ്പോര്‍ട്ട് ലഭിക്കുന്നതിന് കൈകൂലി വാങ്ങിയെന്ന ബിപിസിഎൽ മുൻ സിഎഫ്ഒയുടെ സമൂഹമാധ്യമ പോസ്റ്റ് വ്യാപകമായി പ്രചരിച്ചതിനെ തുടർന്നാണ് ഇരുവര്‍ക്കുമെതിരെയുള്ള നടപടി. തലച്ചോറിൽ രക്തസ്രാവം കാരണം സെപ്റ്റംബർ 18നു മകൾ അക്ഷയ ശിവകുമാർ (34) മരിച്ചതിനെ തുടർന്നു പോലീസ്, ആംബുലൻസ് ഡ്രൈവര്‍, ബിബിഎംപി ജീവനക്കാർ തുടങ്ങിയവരിൽ നിന്നും താന്‍ നേരിട്ട അനുഭവങ്ങള്‍ ഭാരത് പെട്രോളിയം കോർപറേഷൻ ലിമിറ്റഡ് (ബിപിസിഎൽ) മുൻ സി എഫ്ഒ കെ.ശിവകുമാർ സമൂഹ മാധ്യമത്തിൽ പങ്കുവെച്ചിരൂന്നു. ഇത് ഏറെ ചര്‍ച്ചയായിരുന്നു.
SUMMARY: Police officers suspended for accepting bribe for postmortem report
WhatsApp
Telegram
