ബെംഗളൂരു: കുന്ദാപൂരയില്‍ നിന്ന് ശിവമോഗയിലേക്ക് പോകുകയായിരുന്ന സ്വകാര്യ ബസിന് തീപിടിച്ചു. ഹുലിക്കല്‍-ബാലെബരെ ഘട്ട് സ്ട്രെച്ചിന് സമീപമുള്ള മെയിന്‍ റോഡിലാണ് സംഭവം. ബസ് ജീവനക്കാരുടെ സമയോചിതമായ ഇടപെടൽ വലിയൊരു ദുരന്തമാണ് ഒഴിവാക്കിയത്.
35 യാത്രക്കരാണ് ബസില്‍ ഉണ്ടായിരുന്നത്. ശിവമോഗയിലേക്കുള്ള യാത്രക്കിടെ ബസിന്‍റെ മുന്‍ഭാഗത്ത് തീ പടരുന്നത് ഡ്രൈവറുടെ ശ്രദ്ധയില്‍പ്പെട്ടതോടെ വാഹനം വഴിയരികിലേക്ക് മാറ്റി നിര്‍ത്തി ഉടന്‍ തന്നെ എല്ലാ യാത്രക്കാരെയും പുറത്തിറക്കുകയായിരുന്നു.
നിമിഷനേരം നേരം കൊണ്ട് തീപടരുകയും ബസ് മുഴുവൻ കത്തിനശിക്കുകയും ചെയ്തു. അഗ്നിരക്ഷാസേനയെ വിവരമറിയിക്കുകയും അവർ എത്തി തീ നിയന്ത്രണവിധേയമാക്കുകയും ചെയ്തു. തീപിടിത്തത്തിന്റെ കൃത്യമായ കാരണം ഇതുവരെ കണ്ടെത്താനായിട്ടില്ല. കൂടുതൽ അന്വേഷണം നടന്നുവരികയാണ്.
SUMMARY: Private bus catches fire; No casualty
