തിരുവനന്തപുരം: വിവിധ ആവശ്യങ്ങള് ഉന്നയിച്ച് സംസ്ഥാനത്ത് സ്വകാര്യ ബസുകള് നാളെ മുതല് അനിശ്ചിതകാല പണിമുടക്കിലേക്ക്. വിദ്യാര്ഥികളുടെ യാത്രാ നിരക്ക് വര്ധനവിലും പെര്മിറ്റ് പുതുക്കുന്നതിലും അനുകൂല തീരുമാനമുണ്ടാകാത്തതിനെ തുടര്ന്ന് സംയുക്ത സമര സമിതിയാണ് പണിമുടക്കിനു ആഹ്വാനം ചെയ്തത്. ഗതാഗതമന്ത്രി കഴിഞ്ഞ ദിവസം ബസ് ഉടമകളുമായി ചർച്ച നടത്തിയെങ്കിലും ധാരണയിലെത്തിയിരുന്നില്ല.
ചൊവ്വാഴ്ചയ്ക്കു മുമ്പ് വീണ്ടും ചര്ച്ച ചെയ്യാമെന്നു മന്ത്രി നേരത്തെ വ്യക്തമാക്കിയിരുന്നു. എന്നാല് ഇതുവരെ അറിയിപ്പൊന്നും ലഭിച്ചിട്ടില്ലെന്നാണ് ബസ് ഉടമകള് പറയുന്നത്. വിദ്യാര്ഥികളുടെ യാത്രാ നിരക്ക് കൂട്ടുന്നതില് ഗതാഗത സെക്രട്ടറി വിദ്യാര്ഥി സംഘടനകളുമായി ചര്ച്ച നടത്തുമെന്നും പെര്മിറ്റ് പുതുക്കുന്നതില് മുഖ്യമന്ത്രിയുമായി ആലോചിച്ച് തീരുമാനമെടുക്കുമെന്നും ഗതാഗത മന്ത്രി അറിയിച്ചിരുന്നു.
വിദ്യാർഥികളുടെ കണ്സെഷൻ നിരക്ക് കൂട്ടുക, വ്യാജ കണ്സെഷൻ കാർഡ് തടയുക, 140 കി.മീ അധികം ഓടുന്ന ബസുകളുടെ പെർമിറ്റ് പുതുക്കി നല്കുക, അനാവശ്യമായി പിഴയീടാക്കുന്നത് തടയുക തുടങ്ങിയ ആവശ്യങ്ങള് ഉന്നയിച്ച് ഈ മാസം എട്ടിന് സ്വകാര്യ ബസുകള് സൂചനാ സമരം നടത്തിയിരുന്നു. ഒരാഴ്ചയ്ക്കുള്ളില് പരിഹാരമുണ്ടായില്ലെങ്കില്, 22 മുതല് അനിശ്ചിതകാല സമരത്തിലേക്ക് നീങ്ങാനാണ് തീരുമാനമെന്നും ബസുടമകള് വ്യക്തമാക്കിയിരുന്നു. ഒരു അറിയിപ്പും ഉണ്ടായില്ലെങ്കില് സമരത്തിലേക്ക് തന്നെ നീങ്ങും.
SUMMARY: Private buses to go on indefinite strike from tomorrow
WhatsApp
Telegram
