തിരഞ്ഞെടുപ്പ് ക്രമക്കേട് ആരോപണം: ബെംഗളൂരുവിൽ പ്രതിഷേധിക്കാൻ രാഹുൽഗാന്ധി

ബെംഗളൂരു: ലോക്സഭാ തിരഞ്ഞെടുപ്പിൽ കർണാടകയിൽ തിരഞ്ഞെടുപ്പ് കമ്മിഷന്റെ സഹായത്തോടെ ബിജെപി ക്രമക്കേട് നടന്നെന്ന ആരോപണത്തിനു പിന്നാലെ പ്രതിഷേധവുമായി കോൺഗ്രസ്. ഓഗസ്റ്റ് 4ന് ബെംഗളൂരുവിൽ സംഘടിപ്പിക്കുന്ന പ്രതിഷേധ പരിപാടിയിൽ ലോക്സഭയിലെ പ്രതിപക്ഷ നേതാവ് രാഹുൽ ഗാന്ധി പങ്കെടുക്കും. പിന്നാലെ ഇതു സംബന്ധിച്ച പരാതി തിരഞ്ഞെടുപ്പ് കമ്മിഷനു നൽകും.

ഫ്രീഡം പാർക്കിൽ കോൺഗ്രസ് പ്രവർത്തകരെ അഭിസംബോധന ചെയ്ത് രാഹുൽ സംസാരിക്കും. മുഖ്യമന്ത്രി സിദ്ധരാമയ്യ, ഉപമുഖ്യമന്ത്രി ഡി.കെ.ശിവകുമാർ എന്നിവരും പ്രതിഷേധത്തിന്റെ ഭാഗമാകും.

ലോക്സഭാ തിരഞ്ഞെടുപ്പിൽ കർണാടകയിലെ ഒരു മണ്ഡലത്തിൽ ക്രമക്കേട് നടന്നതിനു കൃത്യമായ തെളിവു ലഭിച്ചെന്നാണ് രാഹുൽഗാന്ധി ആരോപിക്കുന്നത്. പിന്നാലെ പരാതിയുണ്ടെങ്കിൽ രേഖാമൂലം നൽകാൻ തിരഞ്ഞെടുപ്പ് കമ്മിഷനും ആവശ്യപ്പെട്ടിരുന്നു.

SUMMARY: Rahul Gandhi to participate in a protest against voter theft allegations in Bengaluru on August 4.