ആലപ്പുഴ: അമ്പലപ്പുഴയിലെ കോണ്‍ഗ്രസില്‍ വിമത നീക്കം. യൂത്ത് കോണ്‍ഗ്രസ് അമ്പലപ്പുഴ മണ്ഡലം സെക്രട്ടറിയെ പാർട്ടി സസ്പെൻഡ് ചെയ്തു. ഷാനു ഭൂട്ടോയേയാണ് സസ്പെൻഡ് ചെയ്തത്. മാധ്യമങ്ങളില്‍ പാർട്ടിക്കെതിരെ പ്രസ്താവന നല്‍കിയതിനും സംഘടനാ വിരുദ്ധ പ്രവർത്തനം നടത്തിയതിനുമാണ് നടപടി. കുട്ടനാട് സീറ്റ് കോണ്‍ഗ്രസ് ഏറ്റെടുക്കാത്തതില്‍ പ്രതിഷേധിച്ച്‌ ഡിസിസി വൈസ് പ്രസിഡന്‍റ് സജി ജോസഫ്, ജനറല്‍ സെക്രട്ടറി കെ.ഗോപകുമാർ എന്നിവർ രാജിവച്ചു.
സജി ജോസഫ് കുട്ടനാട്ടില്‍ സ്വതന്ത്ര സ്ഥാനാർഥിയായി മത്സരിക്കും. അതേസമയം സ്ഥാനാർഥി പ്രഖ്യാപനത്തിന് പിന്നാലെ കോണ്‍ഗ്രസ് സ്ഥാനാര്‍ഥികള്‍ പ്രചാരണരംഗം സജീവമാക്കി. കൈപ്പത്തി ചിഹ്നത്തില്‍ മത്സരിക്കാനായത് ഭാഗ്യമെന്ന് പാലക്കാട്ടെ യുഡിഎഫ് സ്ഥാനാർഥി രമേശ് പിഷാരടി പ്രതികരിച്ചു. ഷാഫി പറമ്പിൽ എംപി ഉള്‍പ്പെടെ പങ്കെടുക്കുന്ന മെഗാ റോഡ് ഷോയുമായാണ് കൊയിലാണ്ടിയിലെ സ്ഥാനാർഥി കെ. പ്രവീണ്‍കുമാറിന്‍റെ പ്രചാരണം.
SUMMARY: Rebel move in Ambalapuzha Congress; Constituency Secretary suspended
