ബെംഗളൂരു: സിദ്ധരാമയ്യ രാഷ്ട്രീയജീവിതത്തിന്റെ അവസാന ഘട്ടത്തിലെന്ന് മകനും എംഎല്സിയുമായ യതീന്ദ്ര സിദ്ധരാമയ്യ.
സംസഥാനത്ത് നേതൃമാറ്റം സംബന്ധിച്ചുള്ള തര്ക്കങ്ങളും ചര്ച്ചകളും പുരോഗമിക്കുന്നതിനിടെയാണ് യതീന്ദ്രയുടെ അപ്രതീക്ഷിത പ്രസ്താവന. തന്റെ പിതാവ് രാഷ്ട്രീയ ജീവിതത്തിന്റെ അവസാന ഘട്ടത്തിലാണെന്ന് പറഞ്ഞ യതീന്ദ്ര, സതീഷ് ജാര്ക്കിഹോളി പിന്ഗാമിയാകാന് സാധ്യതയുണ്ടെന്നും പറഞ്ഞു. മുഖ്യമന്ത്രിപദത്തില് കണ്ണ് വെച്ചിട്ടുള്ള ഉപമുഖ്യമന്ത്രി ഡി.കെ. ശിവകുമാറിന് തിരിച്ചടിയാണ് യതീന്ദ്രയുടെ പ്രസ്താവന.
സിദ്ധരാമയ്യയുടെ പ്രത്യയശാസ്ത്രത്തോട് കൂറുള്ള ഒരാളെ കണ്ടെത്താന് പ്രയാസമാണെന്ന് അഭിപ്രായപ്പെട്ട യതീന്ദ്ര, ഒരു പുരോഗമന നേതാവ് എന്ന രീതിയില് ദൗത്യം മുന്നോട്ട് കൊണ്ടുപോകാന് ജാര്ക്കിഹോളിക്ക് കഴിയുമെന്നും പറഞ്ഞു.
ജാര്ക്കിഹോളിയും പങ്കെടുത്ത ബെലഗാവിയിലെ ഒരു പരിപാടിയില് സംസാരിക്കവേയാണ് യതീന്ദ്രയുടെ പ്രസ്താവന. ജാര്ക്കിഹോളിയെ പോലെ ഇത്രയും പ്രത്യയശാസ്ത്രപരമായ ബോധ്യമുള്ള ഒരു നേതാവിനെ കണ്ടെത്തുന്നത് അപൂര്വമാണെന്ന് ഞാന് വിശ്വസിക്കുന്നുവെന്നും അദ്ദേഹം ഈ നല്ല പ്രവര്ത്തനം തുടരണമെന്ന് ഞാന് ആഗ്രഹിക്കുന്നുവെന്നും യതീന്ദ്ര പറഞ്ഞു.
SUMMARY: Siddaramaiah is in the final stages of his political career, says son; DK Shivakumar is not his successor
WhatsApp
Telegram
