ബെംഗളൂരു: ബെംഗളൂരുവിലെ വിവിധ സംഘടനകളുടെ നേതൃത്വത്തില്‍ സംഘടിപ്പിക്കുന്ന ശ്രീകൃഷ്ണജയന്തി ആഘോഷങ്ങള്‍ നാളെ നടക്കും. തത്ത്വമസി വെൽഫയർ അസോസിയേഷന്റെയും തത്ത്വമസി ബാലഗോകുലത്തിന്റെയും നേതൃത്വത്തിൽ സംഘടിപ്പിക്കുന്ന ശ്രീകൃഷ്ണ ജയന്തി ആഘോഷവും ശോഭയാത്രയും കൽക്കരി പൂജാഗാർഡനിലെ ഭക്ത ആഞ്ജനേയ ക്ഷേത്രത്തിൽനിന്ന് ഞായറാഴ്ച വൈകിട്ട് അഞ്ചുമണിക്ക് ആരംഭിക്കും. ശോഭായാത്രയിൽ ബാലഗോകുലത്തിലെ കുട്ടികൾ അണിനിരക്കും. രാധാ-കൃഷ്ണ നൃത്തവും ഉറിയടിയും ഉണ്ടാകുമെന്ന് ബാലഗോകുലം രക്ഷാധികാരി മഹാദേവ അയ്യർ അറിയിച്ചു. ഏഴുമണിയോടെ ബെഞ്ചാര ലേ ഔട്ടിലെ ഓം ശക്തി ക്ഷേത്രത്തിലെത്തും. ദീപാരാധന, ഭജന, ഹരികഥപ്രഭാഷണം, പ്രസാദവിതരണം എന്നിവയുമുണ്ടാകും. ഫോൺ: 72045 72601, 9986984457.
ഉദയനഗർ അയ്യപ്പക്ഷേത്രത്തിൽ ശ്രീകൃഷ്ണജയന്തി ആഘോഷം ഞായറാഴ്ച നടക്കും. രാവിലെ 9.30-ന് വിശേഷാൽ പൂജകളുണ്ടാകും. വൈകീട്ട് 5.30-ന് ഘോഷയാത്ര ശിവക്ഷേത്രത്തിൽനിന്ന് ആരംഭിക്കും. വാദ്യഘോഷവും ശ്രീകൃഷ്ണന്റെയും രാധയുടെയും മറ്റും വേഷമണിഞ്ഞ കുട്ടികളും അണിനിരക്കും. ഘോഷയാത്ര അയ്യപ്പ ക്ഷേത്രത്തിലെത്തിച്ചേരും. തുടർന്ന് ഉറിയടി, പ്രസാദവിതരണം എന്നിവയുമുണ്ടാകും.
കർണാടക നായർസർവീസ് സൊസൈറ്റിയുടെ കരയോഗങ്ങളിൽ നാളെ വിപുലമായ പരിപാടികളോടെ ശ്രീകൃഷ്ണ ജന്മാഷ്ടമി ആഘോഷിക്കും. ദാസറഹള്ളി കരയോഗത്തിന്റെ ആഭിമുഖ്യത്തിൽ സന്തോഷനഗർ മന്നം സദനത്തിൽനിന്നു വൈകിട്ട് നാലിന് ആരംഭിച്ച് രാത്രി ഏഴു മണിയോടുകൂടി ജാലഹള്ളി ശ്രീഅയ്യപ്പൻ ക്ഷേത്രത്തിൽ സമാപിക്കും. തുടർന്ന് ഉറിയടി, പ്രസാദവിതരണം എന്നിവ ഉണ്ടാകും.
എംഎസ് നഗർ കരയോഗത്തിന്റെ ആഭിമുഖ്യത്തിൽ എച്ച്ആർബി ആർ ലേഔട്ടിലെ ഓം ശക്തി ക്ഷേത്രത്തിൽനിന്നു വൈകീട്ട് നാലു മണിക്ക് ശോഭയാത്ര പുറപ്പെട്ട് ആറു മണിയോടെ ബാനസവാടി ശ്രീഅയ്യപ്പ ക്ഷേത്രസന്നിധിയിൽ എത്തിച്ചേരും.
SUMMARY: Sri Krishna Jayanti celebrations tomorrow
WhatsApp
Telegram
