തിരുവനന്തപുരം: പാലക്കാട് എംഎല്എ രാഹുല് മാങ്കൂട്ടത്തിലിനെതിരെ ലൈംഗിക പീഡന പരാതി നല്കിയ യുവതിയെ അപമാനിച്ചെന്ന കേസില് രാഹുല് ഈശ്വര് റിമാൻഡിൽ. രാഹുല് ഈശ്വറിന്റെ ജാമ്യാപേക്ഷ വഞ്ചിയൂര് മജിസ്ട്രേറ്റ് കോടതിയാണ് പരിഗണിച്ചത്. രാഹുലിന് ജാമ്യം നല്കുന്നതിനെ പ്രോസിക്യൂഷന് ശക്തമായി എതിര്ത്തിരുന്നു. ഇത് പരിഗണിച്ചാണ് കോടതി ജാമ്യാപേക്ഷ തള്ളിയത്. രാഹുലിനെ പതിനാല് ദിവസത്തേക്ക് റിമാന്ഡ് ചെയ്തു. രാഹുലിനെ പൂജപ്പുര സബ് ജയിലിലേക്ക് മാറ്റി.
പ്രതിക്കെതിരെ മ്യൂസിയം പോലീസ് സ്റ്റേഷനിലും എറണാകുളം സിറ്റി പോലീസ് സ്റ്റേഷനിലും അടക്കം കേസുകളുണ്ട്. പ്രതി നിയന്തരം സമാന കുറ്റകൃത്യങ്ങളില് ഏര്പ്പെടുന്ന വ്യക്തിയാണ്. അതിജീവിതയെ അധിക്ഷേപിച്ച കേസില് അന്വേഷണം ശരിയായ ദിശയിലാണ്. കേസില് തുടരന്വേഷണം ആവശ്യമുണ്ട്. പ്രതി ഒളിവില് പോകാനുള്ള സാധ്യയുണ്ട്. പ്രതി കുറ്റം ചെയ്യുന്നതില് മറ്റ് ഇലക്ട്രോണിക് ഡിവൈസ് ഉപയോഗിച്ചോ എന്ന കാര്യം പരിശോധിക്കേണ്ടതുണ്ട്. ഇതിന് തുടരന്വേഷണം അനിവാര്യമാണെന്നും പ്രോസിക്യൂഷന് വ്യക്തമാക്കിയിരുന്നു. ഒരു മണിക്കൂർ നീണ്ട വാദമാണ് കോടതിയിൽ നടന്നത്. കുറ്റം നിസാരമായി കാണാന് കഴിയില്ലെന്ന് കോടതി വിലയിരുത്തി. ലൈംഗികച്ചുവയോടെ അതിജീവിതയെ അധിക്ഷേപിച്ചെന്ന കുറ്റത്തില് കഴമ്പുണ്ട്. പ്രഥമദൃഷ്ട്യാകുറ്റം നിലനില്ക്കുമെന്നും കോടതി വിലയിരുത്തി.
ഇന്നലെ വൈകീട്ട് സൈബര് പോലീസ് കസ്റ്റഡിയിലെടുത്ത് രാഹുലിനെ ചോദ്യം ചെയ്തിരുന്നു. പിന്നാലെയാണ് രാഹുല് ഈശ്വറിന്റെ അറസ്റ്റ് പോലീസ് രേഖപ്പെടുത്തിയത്. സൈബര് അധിക്ഷേപത്തിന് ജാമ്യമില്ലാ വകുപ്പ് കൂടി ചേര്ത്താണ് രാഹുലിന്റെ അറസ്റ്റ്. പത്തനംതിട്ട മഹിളാ കോണ്ഗ്രസ് ജില്ലാ ജനറല് സെക്രട്ടറി രഞ്ജിത പുളിക്കന് ഒന്നാം പ്രതിയാണ്. കെപിസിസി ജനറല് സെക്രട്ടറി സന്ദീപ് വാര്യരും രാഹുല് ഈശ്വറും ഉള്പ്പടെ അഞ്ചു പ്രതികളാണ് സൈബര് ആക്രമണ കേസില് ഉള്ളത്.
SUMMARY: Survivor’s insult case; Rahul Easwar denied bail; remanded for 14 days
WhatsApp
Telegram
