ബെംഗളൂരു: നിരോധിത ഭീകരസംഘടനയായ അൽഖായിദ ഇൻ ദ ഇന്ത്യൻ സബ്കോണ്ടിനന്റുമായി (എക്യുഐഎസ്) ബന്ധമുള്ള യുവതി ബെംഗളൂരുവിൽ പിടിയിലായി. ജാർഖണ്ഡ് സ്വദേശിനിയായ ഷമ പ്രവീണിനെ (30) ആണ് ഗുജറാത്ത് ഭീകരവിരുദ്ധ സ്ക്വാഡ് (എടിഎസ്) ബെംഗളൂരുവിലെ വീട്ടിൽ നിന്ന് അറസ്റ്റ് ചെയ്തത്. ഇവരെ ട്രെയിൻ മാർഗം അഹമ്മദാബാദിലേക്കു കൊണ്ടു പോയി.
ഇൻസ്റ്റഗ്രാം ഉൾപ്പെടെ സമൂഹ മാധ്യമങ്ങൾ വഴി ഷമ രാജ്യവിരുദ്ധ സന്ദേശങ്ങൾ പ്രചരിപ്പിക്കുന്നതായി കണ്ടെത്തിയ സാഹചര്യത്തിലാണ് അറസ്റ്റ്. സമൂഹ മാധ്യമങ്ങളിലൂടെ ഭീകരസംഘടനകളെ ന്യായീകരിക്കുന്ന വിഡിയോകളും പോസ്റ്റുകളും യുവാക്കളിലെത്തിക്കുകയായിരുന്നു ഷമയെന്നും അധികൃതർ വ്യക്തമാക്കുന്നു. കേസിൽ മറ്റു 4 പേരെ എടിഎസ് നേരത്തേ അറസ്റ്റ് ചെയ്തിരുന്നു.
SUMMARY: Women terrorist arrested from Bengaluru by Anti terrorist squad.
WhatsApp
Telegram
