ഇടവേള ബാബുവിനെതിരായ ബലാത്സംഗക്കേസില്‍ സ്റ്റേ രണ്ടാഴ്ചത്തേക്ക് നീട്ടി

കൊച്ചി: നടൻ ഇടവേള ബാബുവിനെതിരായ ബലാത്സംഗക്കേസില്‍ സ്റ്റേ രണ്ടാഴ്ചത്തേക്ക് കൂടി നീട്ടി ഹൈക്കോടി. കേസ് റദ്ദാക്കണമെന്ന് ആവശ്യപ്പെട്ട് ഇടവേള ബാബു ‌നല്‍കിയ ഹർജിയിലാണ് കോടതിയുടെ നടപടി. ‘അമ്മ’യില്‍ അംഗത്വം വാഗ്ദാനം ചെയ്ത് പീഡിപ്പിച്ചുവെന്നാണ് ഇടവേള ബാബുവിനെതിരായ പരാതി. കേസില്‍ ബാബുവിനെ സെപ്തംബറില്‍ അറസ്റ്റ് ചെയ്ത് വിട്ടയച്ചിരുന്നു.

ആലുവ സ്വദേശിയായ നടിയുടെ പരാതിയില്‍ എറണാകുളം സെന്‍ട്രല്‍ പോലീസാണ് ഇടവേള ബാബുവിനെതിരെ കേസെടുത്തത്. അമ്മ സംഘടനയില്‍ അംഗത്വം നല്‍കാമെന്ന് പറഞ്ഞ് വിളിച്ചുവരുത്തിയ ശേഷം അപമര്യാദയായി പെരുമാറിയെന്നാണ് കേസ്.

കേസുമായി ബന്ധപ്പെട്ട് അമ്മ ഓഫീസിലും കലൂരിലെ ഫ്ലാറ്റിലും പോലീസ് പരിശോധന നടത്തിയിരുന്നു. കേസില്‍ ഇടവേള ബാബുവിനെ അറസ്റ്റ് ചെയ്തെങ്കിലും വിട്ടയച്ചിരുന്നു. കേസില്‍ ഇടവേള ബാബുവിന് എറണാകുളം പ്രിന്‍സിപ്പല്‍ സെഷന്‍സ് കോടതി മുന്‍കൂര്‍ ജാമ്യം അനുവദിച്ചിരുന്നു.

TAGS : EDAVELA BABU
SUMMARY : The stay was extended for two weeks in the rape case against edavela Babu