മുംബൈ: ബോളിവുഡ് നടൻ സല്മാൻ ഖാന് വീണ്ടും വധഭീഷണി. ഗുണ്ടാ നേതാവ് ലോറന്സ് ബിഷ്ണോയിയുടെ സംഘാംഗം എന്നവകാശപ്പെട്ട് മുംബൈ ട്രാഫിക് പോലീസിനാണ് ഭീഷണി സന്ദേശം ലഭിച്ചത്. ലോറന്സ് ബിഷ്ണോയിയുമായുള്ള ശത്രുത അവസാനിപ്പിക്കാൻ അഞ്ചു കോടി രൂപയാണ് ആവശ്യപ്പെട്ടിരിക്കുന്നത്. വാട്സ് ആപ്പ് വഴിയാണ് ഭീഷണി സന്ദേശം.
പണം നല്കിയില്ലെങ്കില് വെടിയേറ്റ് കൊല്ലപ്പെട്ട മുന് മന്ത്രിയും എന്.സി.പി നേതാവുമായ ബാബ സിദ്ദീഖിയുടേതിനേക്കാള് മോശമാകും സല്മാന് ഖാന്റെ അവസ്ഥയെന്നും സന്ദേശത്തില് പറയുന്നു. സല്മാനുമായുള്ള അടുപ്പമാണ് സിദ്ദീഖിയുടെ കൊലപാതകത്തിലേക്ക് നയിച്ചതെന്ന് സംശയമുണ്ട്. ബിഷ്ണോയിയുടെ സംഘത്തില്പ്പെട്ടവരാണ് സിദ്ദീഖിയെ കൊലപ്പെടുത്തിയത്.
ബാബ സിദ്ധിഖിയുടെ കൊലപാതകത്തിന് പിന്നാലെ മുംബൈ പോലീസ് സല്മാൻ ഖാന്റെ സുരക്ഷ വർദ്ധിപ്പിച്ചിരുന്നു. ലോറൻസ് ബിഷ്ണോയി സംഘത്തിന്റെ പ്രധാന നോട്ടപ്പുള്ളിയാണ് സല്മാൻ ഖാൻ.
TAGS : SALMAN KHAN | DEATH THREAT
SUMMARY : ‘Five crores must be paid, or a fate worse than that of Baba Siddiqui’; Threat to Salman Khan again
