ബെംഗളൂരു: നഗരത്തിലെ ഏകദേശം 24 ലക്ഷം വസ്തു ഉടമകൾക്ക് വാട്സ്ആപ്പിലൂടെ സൗജന്യമായി ഇ-ഖാത്ത സർട്ടിഫിക്കറ്റ് ലഭ്യമാക്കാൻ ഗ്രേറ്റർ ബെംഗളൂരു അതോറിറ്റി നടപടി ആരംഭിക്കുന്നു. വസ്തുവിന്റെ ഉടമസ്ഥാവകാശവും നികുതി വിവരങ്ങളും ഉൾപ്പെടുന്ന ഖാത്ത രേഖകൾ ഡിജിറ്റലായി ലഭ്യമാക്കുന്നതിലൂടെ നഗരവാസികൾക്ക് ഓഫീസുകൾ കയറിയിറങ്ങാതെ സേവനം നേടാനാകും.
Greater Bengaluru Authority (GBA) will send e-Khata certificates free of cost via WhatsApp to around 24 lakh property owners across Bengaluru’s five city corporations, Chief Commissioner Maheshwar Rao said on Nov 17.
The certificates will be shared as PDF attachments along with unique ePID numbers.
Property owners can use their ePID to apply online for corrections or mutation through GBA e-Aasthi portal, without visiting govt offices.
@GBA_office @GBAChiefComm
— ChristinMathewPhilip (@ChristinMP_) November 17, 2026
നഗരത്തിലെ അഞ്ച് സിറ്റി കോർപ്പറേഷനുകളുടെ പരിധിയിലുള്ള വസ്തു ഉടമകളെയാണ് പദ്ധതിയിൽ ഉൾപ്പെടുത്തുന്നത്. വാട്സ്ആപ്പ് മുഖേന ആവശ്യമായ വിവരങ്ങൾ നൽകി ഇ-ഖാത്ത സർട്ടിഫിക്കറ്റ് കൈപ്പറ്റാൻ കഴിയുന്ന സംവിധാനമാണ് ഒരുക്കുന്നത്. നിലവിൽ ഖാത്ത രേഖകൾക്കായി നഗരസഭാ ഓഫീസുകളെ ആശ്രയിക്കേണ്ടിവരുന്നവരുടെ ബുദ്ധിമുട്ട് കുറയ്ക്കുകയാണ് ലക്ഷ്യം.
വസ്തു സംബന്ധമായ രേഖകൾ ഡിജിറ്റൽ സംവിധാനത്തിലേക്ക് മാറ്റുന്നതിന്റെ ഭാഗമായാണ് പദ്ധതി നടപ്പാക്കുന്നത്. ഇതിലൂടെ രേഖകൾ ലഭിക്കുന്നതിനുള്ള കാലതാമസം കുറയ്ക്കാനും സേവനങ്ങൾ കൂടുതൽ സുതാര്യമാക്കാനും കഴിയുമെന്നാണ് അധികൃതരുടെ പ്രതീക്ഷ.
പദ്ധതി എപ്പോൾ മുതൽ ലഭ്യമാകുമെന്നും വാട്സ്ആപ്പിൽ അപേക്ഷിക്കുന്നതിനുള്ള ഔദ്യോഗിക നമ്പറും നടപടിക്രമങ്ങളും സംബന്ധിച്ച വിശദാംശങ്ങൾ ജി.ബി.എ. പുറത്തുവിട്ടിട്ടില്ല.
SUMMARY: Relief for 2.4 million property owners; GBA to provide e-Khata documents for free via WhatsApp.
















