വൈറ്റ് ടോപ്പിങ്; ദൊഡ്ഡനെകുണ്ഡി മെയിൻ റോഡിൽ ഗതാഗത നിയന്ത്രണം

ബെംഗളൂരു: റോഡ് വൈറ്റ് ടോപ്പിങ് ജോലികൾ നടക്കുന്നതിനാൽ ദൊഡ്ഡനെകുണ്ഡി മെയിൻ റോഡിൽ അടുത്ത 90 ദിവസത്തേക്ക് ഗതാഗത നിയന്ത്രണം ഏർപ്പെടുത്തിയതായി സിറ്റി ട്രാഫിക് പോലീസ് അറിയിച്ചു. ശ്രീരാമക്ഷേത്രത്തിൽ നിന്ന് ഔട്ടർ റിംഗ് റോഡിലേക്കുള്ള വാഹന ഗതാഗതം പൂർണമായും നിയന്ത്രിക്കും. ഔട്ടർ റിങ് റോഡിൽ നിന്ന് ദൊഡ്ഡനെകുണ്ഡി ജംഗ്ഷൻ ഭാഗത്തേക്ക് വരുന്ന വാഹനങ്ങൾ നിസർഗ എക്സ്റ്റൻഷൻ മെയിൻ റോഡിലൂടെ ദൊഡ്ഡനെകുണ്ഡി പോസ്റ്റ് ഓഫീസ് വഴി കടന്നുപോകണം.

ദൊഡ്ഡനെകുണ്ഡി ജംഗ്ഷനിൽ നിന്ന് ഔട്ടർ റിങ് റോഡിലേക്കുള്ള വാഹനങ്ങൾക്ക് അംബേദ്കർ കോളനി മെയിൻ റോഡിൽ നിന്നും നിസർഗ എക്സ്റ്റൻഷൻ മെയിൻ റോഡിൽ നിന്നും ഇതേ വഴി പോകാം. ഈ റോഡുകളിൽ ചരക്ക് വാഹനങ്ങൾക്ക് നിയന്ത്രണം ഏർപ്പെടുത്തിയിട്ടുണ്ടെന്ന് ട്രാഫിക് പോലീസ് അറിയിച്ചു.

TAGS: BENGALURU | TRAFFIC RESTRICTED
SUMMARY: Traffic movement restricted on Doddanekundi Main Road in Bengaluru