ദുർഗ പൂജ വിഗ്രഹ നിമജ്ജനം; അൾസൂർ തടാകത്തിന് സമീപം ഇന്ന് ഗതാഗത നിയന്ത്രണം

ബെംഗളൂരു: ദുർഗ പൂജ വിഗ്രഹ നിമജ്ജനത്തോട് അനുബന്ധിച്ച് നഗരത്തിൽ ഇന്ന് ഗതാഗത നിയന്ത്രണം ഏർപ്പെടുത്തിയതായി സിറ്റി പോലീസ് അറിയിച്ചു. അൾസൂർ തടാകത്തിന് സമീപവും പരിസര പ്രദേശങ്ങളിലുമാണ് ഉച്ചയ്ക്ക് 12 മുതൽ തിങ്കളാഴ്ച പുലർച്ചെ 4 വരെ ഗതാഗത നിയന്ത്രണം ഏർപ്പെടുത്തിയത്.

കെൻസിംഗ്ടൺ-മർഫി റോഡ് ജംഗ്ഷനിൽ നിന്ന് എംഇജി സെൻ്ററിലേക്കും, തിരുവള്ളുവർ സ്റ്റാച്യു ജംഗ്ഷനിൽ നിന്നും തടാകത്തിൻ്റെ പ്രവേശന കവാടത്തിലേക്കുമുള്ള ഗതാഗതം നിയന്ത്രിക്കും. കെൻസിംഗ്ടൺ-മർഫി റോഡ് ജംഗ്ഷനിൽ നിന്ന് പോകുന്ന വാഹനങ്ങൾക്ക് ഗുരുദ്വാര ജംഗ്ഷൻ, ഗംഗാധര ചെട്ടി റോഡ്, ലാവണ്യ തിയേറ്റർ ജംഗ്ഷൻ, വീലർ റോഡ് വഴിയും, ഗംഗാധര ചെട്ടി റോഡ്, ഡിക്കൻസൺ റോഡ്, ലാവണ്യ തിയേറ്റർ ജംഗ്ഷൻ വഴി മില്ലേഴ്‌സ് റോഡിലൂടെ കടന്നുപോകണം. തിങ്കളാഴ്ച അൾസൂർ തടാകത്തിന് ചുറ്റുമുള്ള എല്ലാ റോഡുകളിലും വാഹന പാർക്കിംഗും നിരോധിക്കും.

TAGS: BENGALURU | TRAFFIC RESTRICTED
SUMMARY: Durga idol immersion, Traffic curbs at Bengaluru’s Ulsoor Lake on Sunday