ബെംഗളൂരു: എയ്റോ ഇന്ത്യയുടെ ഭാഗമായി ബെംഗളൂരുവിലെ വിവിധയിടങ്ങളിൽ ഗതാഗത നിയന്ത്രണം ഏർപ്പെടുത്തിയതായി സിറ്റി ട്രാഫിക് പോലീസ് അറിയിച്ചു. ഫെബ്രുവരി 10 മുതൽ 14 വരെയാണ് എയ്റോ ഇന്ത്യ നടക്കുന്നത്. ബെംഗളൂരു-ബെല്ലാരി റോഡിൽ മേഖ്രി സർക്കിളിൽ നിന്ന് എംവിഐടി ക്രോസ് വരെയും എംവിഐടി ക്രോസ് മുതൽ മേഖ്രി സർക്കിൾ വരെയും ട്രക്കുകൾ, സ്വകാര്യ ബസുകൾ ഉൾപ്പെടെയുള്ള ചരക്ക് വാഹനങ്ങളുടെ ഗതാഗതം പൂർണമായും നിരോധിച്ചു. ഹെന്നൂരു ക്രോസിലെ ഗൊരഗുണ്ടേപാളയ, നാഗവാര ജംഗ്ഷൻ – തനിസാന്ദ്ര മെയിൻ റോഡ്, ബെംഗളൂരു മെയിൻ റോഡ് വഴി രേവ കോളേജ് ജംഗ്ഷൻ വരെയും ഭാരവാഹനങ്ങൾക്ക് നിയന്ത്രണം ബാധകമാണ്.
ബെംഗളൂരു വിമാനത്താവളത്തിലേക്ക് പോകുന്ന യാത്രക്കാർ ഈസ്റ്റിൽ സോണിൽ നിന്ന് കെ ആർ പുരം – ഹെന്നൂർ ക്രോസ് – കൊത്തനൂർ – ഗുബ്ബി ക്രോസ് – കണ്ണൂരു– ബെംഗളൂരു – മൈലനഹള്ളി വഴി കടന്നുപോകണം. ബെംഗളൂരു വെസ്റ്റിൽ നിന്ന് വരുന്നവർ ഗൊരഗുണ്ടേപാളയ – ബിഇഎൽ സർക്കിൾ – ഗംഗമ്മ സർക്കിൾ – എംഎസ് പാളയ സർക്കിൾ – മദർ ഡയറി ജംഗ്ഷൻ – ഉണ്ണികൃഷ്ണൻ ജംഗ്ഷൻ – ദൊഡ്ഡബെല്ലാപുര റോഡ് – രാജനകുണ്ടേ – അഡിഗനഹള്ളി – എംവിഐടി ക്രോസ് വഴി കടന്നുപോകണം.
ബെംഗളൂരു സൗത്തിൽ നിന്ന് വരുന്നവർ മൈസുരു റോഡ് – നയന്ദഹള്ളി – ചന്ദ്ര ലേഔട്ട് – ഗൊരഗുണ്ടേപാളയ – ബിഇഎൽ സർക്കിൾ – ഗംഗമ്മ സർക്കിൾ – എംഎസ് പാളയ സർക്കിൾ – മദർ ഡയറി ജംഗ്ഷൻ – ഉണ്ണികൃഷ്ണൻ ജംഗ്ഷൻ – ദൊഡ്ഡബെല്ലാപുര റോഡ് – രാജനകുണ്ടേ – വലത്തേക്ക് തിരിവ് – അഡിഗനഹള്ളി – എംവിഐടി ക്രോസ് – വിദ്യാനഗർ ക്രോസ് വഴി കടന്നുപോകണം.
TAGS: BENGALURU | AERO INDIA
SUMMARY: Traffic restrictions imposed un city amid aero india
WhatsApp
Telegram
