കർണാടക ആർടിസി ബസ് ഇരുചക്രവാഹനത്തിലിടിച്ച് അപകടം; രണ്ട് പേർ മരിച്ചു, നിരവധി പേർക്ക് പരുക്ക്

ബെംഗളൂരു: കർണാടക ആർടിസി ബസ് ഇരുചക്ര വാഹനത്തിലിടിച്ചുണ്ടായ അപകടത്തിൽ രണ്ട് പേർ മരിച്ചു. ബാഗൽകോട്ട് മുധോൾ താലൂക്കിലെ മുഗൾഖോഡ് ക്രോസിന് സമീപം ശനിയാഴ്ചയാണ് അപകടമുണ്ടായത്. കല്യാണ കർണാടക ആർടിസി ബസാണ് അപകടത്തിൽ പെട്ടത്. ദമ്പതികളായ ശങ്കരപ്പ സിദ്ധപ്പ ലക്ഷ്മേശ്വര, ശ്രീദേവി ശങ്കരപ്പ ലക്ഷ്മേശ്വര എന്നിവരാണ് മരിച്ചത്. അപകടത്തിൽ 15ലധികം യാത്രക്കാർക്ക് പരുക്കേറ്റു.

ഇവരെ മുധോളിലെ താലൂക്ക് ആശുപത്രിയിൽ പ്രവേശിപ്പിച്ചു. നിയന്ത്രണം വിട്ട ബസ് ആദ്യം റോഡരികിലെ സൈൻ പോസ്റ്റിൽ ഇടിക്കുകയും, എതിർദിശയിൽ നിന്ന് വന്ന ഇരുചക്രവാഹനത്തിലേക്ക് ഇടിക്കുകയുമായിരുന്നു. ചിക്കൊടിയിൽ നിന്ന് ബെംഗളൂരുവിലെക്ക് പോകുകയായിരുന്ന ബസാണ് അപകടത്തിൽ പെട്ടത്. സംഭവത്തിൽ പോലീസ് കേസെടുത്തു.

TAGS: ACCIDENT | KARNATAKA
SUMMARY: Couple killed, several injured as bus, two-wheeler collide