ബെംഗളൂരു: ബെംഗളൂരു – മൈസൂരു ഹൈവേയിലുണ്ടായ വാഹനാപകടത്തിൽ രണ്ട് പേർ മരിച്ചു. അമിതവേഗത്തിലെത്തിയ ട്രക്ക് കാറിലിടിച്ചാണ് അപകടമുണ്ടായത്. ഗുജറാത്ത് സ്വദേശികളായ മുകുന്ദ് (30), സന്ദീപ് (30) എന്നിവരാണ് മരിച്ചത്. ഇവർക്കൊപ്പമുണ്ടായിരുന്ന പൂജ സഹാനിക്ക് (26) ഗുരുതര പരുക്കേറ്റു. ഇവരെ സമീപത്തെ ആശുപത്രിയിൽ പ്രവേശിപ്പിച്ചു.
മൈസൂരു-ബെംഗളൂരു ഹൈവേയിലെ കലസ്തവാദി ഗേറ്റിന് സമീപമാണ് അപകടമുണ്ടായത്. മുകുന്ദും സുഹൃത്തുക്കളും മൈസൂരുവിലെക്ക് പോകുന്നതിനിടെയാണ് അപകടമുണ്ടായത്. അമിതവേഗതയിലായിരുന്ന ട്രക്ക് നിയന്ത്രണം വിട്ട ഇവർ സഞ്ചരിച്ച കാറിലേക്ക് ഇടിക്കുകയായിരുന്നു.
തലയ്ക്കു ഗുരുതരമായി പരുക്കേറ്റ മുകുന്ദ് സംഭവസ്ഥലത്ത് തന്നെ മരിച്ചു. ബെംഗളൂരുവിലെ ആശുപത്രിയിലേക്ക് മാറ്റുന്നതിനിടെയാണ് സന്ദീപ് മരിച്ചു. നിലവിൽ പൂജയുടെ ആരോഗ്യനില അതീവഗുരുതരമാണെന്ന് പോലീസ് പറഞ്ഞു. സംഭവത്തിൽ എൻ.ആർ. ട്രാഫിക് പോലീസ് കേസെടുത്തു.
TAGS: BENGALURU | ACCIDENT
SUMMARY: Two killed in collision on Mysuru-Bengaluru Highway
