ബെംഗളൂരു: മധ്യവേനല്‍ അവധിക്കാലത്ത് കേരളത്തിലേക്ക് യാത്ര ചെയ്യാന്‍ ടിക്കറ്റുകള്‍ ലഭ്യമല്ലാത്തതിനാല്‍ വിഷു- ഈസ്റ്റര്‍ സമയത്ത് സ്‌പെഷ്യല്‍ ട്രെയിനുകള്‍ അനുവദിക്കണമെന്ന് ബാംഗ്ലൂര്‍ കേരളസമാജം ആവശ്യപ്പെട്ടു.
ഏപ്രില്‍ 11 മുതല്‍ 21 വരെ തിരുവനന്തപുരത്തേക്കും കണ്ണൂരിലേക്കും സ്‌പെഷ്യല്‍ ട്രെയിനുകള്‍ അനുവദിക്കണമെന്ന് ആവശ്യപ്പെട്ടുകൊണ്ട് സൗത്ത് വെസ്റ്റേണ്‍ റെയില്‍വേ പ്രിന്‍സിപ്പല്‍ ചീഫ് ഓപ്പറേഷന്‍ മാനേജര്‍ക്ക് കേരള സമാജം നിവേദനം നല്‍കി.
നിലവിലുള്ള കൊച്ചുവേളി – മൈസൂര്‍ എക്‌സ്പ്രസ്സ് നും കണ്ണൂര്‍ -യെസ്വന്തപുര എക്‌സ്പ്രസ്സ് നും പുറകില്‍ ഷാഡോ ട്രെയിനുകള്‍ അനുവദിച്ചാല്‍ യാത്രപ്രശ്‌നത്തിന് വലിയ പരിഹാരമാകും. മധ്യ വേനല്‍ അവധികാലത്ത് ആയിരക്കണക്കിന് മലയാളികള്‍ നാട്ടിലേക്ക് യാത്ര ചെയ്യുന്നതിനാല്‍ നിലവിലുള്ള ട്രെയിനുകള്‍ അപര്യാപ്തമാണെന്ന് കേരള സമാജം ജനറല്‍ സെക്രട്ടറി റജി കുമാര്‍ പറഞ്ഞു.
ഇതു സംബന്ധിച്ച യോഗത്തില്‍ കേരളസമാജം പ്രസിഡന്റ് സി പി രാധാകൃഷ്ണന്‍, വൈസ് പ്രസിഡന്റ് സുധീഷ് പി കെ, ജനറല്‍ സെക്രട്ടറി റജി കുമാര്‍, ജോയിന്റ് സെക്രട്ടറി അനില്‍ കുമാര്‍ ഓ കെ , അസിസ്റ്റന്റ് സെക്രട്ടറിമാരായ മുരളിധരന്‍, വി എല്‍ ജോസഫ് തുടങ്ങിയവര്‍ സംബന്ധിച്ചു.
<BR>
TAGS : RAILWAY | TRAIN | KERALA SAMAJAM
WhatsApp
Telegram
