കാസറഗോഡ് : നഗരത്തിൽ ദേശീയപാതയുടെ ഭാഗമായുള്ള മേല്പാലത്തിന്റെ സ്പാൻ കോൺക്രീറ്റ് ചെയ്യാൻ തിങ്കളാഴ്ച രാത്രി ഒൻപതു മുതൽ പിറ്റേന്ന് രാവിലെ ഒൻപതുവരെ ദേശീയപാത അടയ്ക്കും. നുള്ളിപ്പാടി അയ്യപ്പഭജനമന്ദിരത്തിനും കാസറഗോഡ് പുതിയ ബസ് സ്റ്റാൻഡിനും ഇടയിൽ 150 മീറ്റർ ഭാഗമാണ് അടയ്ക്കുന്നത്. പുതിയ ബസ് സ്റ്റാൻഡിന് സമീപത്തെ മുണ്ടോൾ ആർക്കേഡ് പൊളിക്കുന്നതിനെക്കുറിച്ചുള്ള തർക്കം കോടതിയിലായതിനാൽ ഇവിടെ യന്ത്രങ്ങൾ സ്ഥാപിക്കാൻ പരിമിതിയുണ്ട്. കോൺക്രീറ്റിനുള്ള യന്ത്രങ്ങൾ സർവീസ് റോഡിൽ സ്ഥാപിക്കേണ്ടതിനാലാണ് റോഡ് അടയ്ക്കുന്നതെന്ന് നിർമാണം നടത്തുന്ന ഊരാളുങ്കൽ ലേബർ കോൺട്രാക്ട് കോ ഓപ്പറേറ്റീവ് സൊസൈറ്റി (യു.എൽ.സി.സി.എസ്.) അറിയിച്ചു.
ഗതാഗതനിയന്ത്രണം
മംഗളൂരു ഭാഗത്തുനിന്ന് വരുന്ന വാഹനങ്ങൾ പുതിയ ബസ്സ്റ്റാൻഡ് കവലയിൽനിന്ന് തിരിഞ്ഞ് എം.ജി. റോഡ് വഴി കാഞ്ഞങ്ങാട്-കാസറഗോഡ് സംസ്ഥാനപാത വഴി പോകണം. ചെർക്കള ഭാഗത്തുനിന്ന് വരുന്ന വാഹനങ്ങൾ വിദ്യാനഗർ-ചൗക്കി-ഉളിയത്തടുക്ക വഴിയും മധൂർ റോഡ് വഴിയും തിരിച്ചുവിടുമെന്ന് പോലീസ് അറിയിച്ചു.
WhatsApp
Telegram
