ബെംഗളൂരു: മൈസൂര്‍ റോഡ് ക്രസന്റ് ഹൈസ്‌കൂള്‍ ആന്റ് പി.യു കോളേജില്‍ നടന്ന ഗ്രാജുവേഷന്‍ ഡേ മലബാര്‍ മുസ്ലിം അസോസിയേഷന്‍ പ്രസിഡണ്ട് ഡോ. എന്‍. എ. മുഹമ്മദ് ഉദ്ഘാടനം ചെയ്തു. ജനറല്‍ സെക്രട്ടറി ടി.സി. സിറാജ് വിദ്യാര്‍ഥികള്‍ക്ക് പ്രതിജ്ഞ ചൊല്ലിക്കെടുത്തു. സ്‌കൂള്‍ ചെയര്‍മാന്‍ അഡ്വ. പി. ഉസ്മാന്‍ അധ്യക്ഷത വഹിച്ചു. അഡ്വ.ശക്കീല്‍ അബ്ദുറഹ്‌മാന്‍ മുഖ്യപ്രഭാഷണം നടത്തി.
കഴിഞ്ഞ വര്‍ഷം നീറ്റിലൂടെ എംബിബിഎസ് പ്രവേശനം നേടിയ ക്രസന്റ് സ്കൂളിലെ വിദ്യാര്‍ഥികളെയും കഴിഞ്ഞ വര്‍ഷം എസ്എസ്എല്‍സി, പിയുസി വിഭാഗത്തില്‍ 95% ത്തില്‍ കൂടുതല്‍ മാര്‍ക്ക് വാങ്ങിയ വിദ്യാര്‍ഥികളെയും ക്യാഷ് അവാര്‍ഡുകള്‍ നല്‍കി ആദരിച്ചു. ഈ വര്‍ഷം പരീക്ഷ എഴുതുന്ന വിദ്യാര്‍ഥികളെ അനുമോദിച്ചു.
എംഎംഎയുടെ പ്രവര്‍ത്തക സമിതി മെമ്പര്‍മാരായി തിരഞ്ഞെടുക്കപ്പെട്ട ശംസുദ്ധീന്‍ അനുഗ്രഹ സുബൈര്‍ കായക്കൊടി, ശബീര്‍ ടി.സി തുടങ്ങിയവരെയും ആദരിച്ചു. സെക്രട്ടറിമാരായ ശംസുദ്ധീന്‍ കൂടാളി, ടി.പി. മുനീറുദ്ധീന്‍, പ്രിന്‍സിപ്പള്‍ മുജാഹിദ് മുസ്തഫ ഖാന്‍, വൈസ് പ്രിന്‍സിപ്പള്‍ ശ്വേത, രാജവേലു , മഹാലക്ഷ്മി തുടങ്ങിയവര്‍ പ്രസംഗിച്ചു. വിദ്യാര്‍ഥികളുടെ കലാപരിപാടികളും നടന്നു.
<Br>
TAGS : MALABAR MUSLIM ASSOCIATION
SUMMARY : Graduation Day at Crescent High School and PU College
WhatsApp
Telegram
