ട്രക്ക് ബൈക്കുമായി കൂട്ടിയിടിച്ച് രണ്ട് മരണം

ബെംഗളൂരു: ട്രക്ക് ബൈക്കുമായി കൂട്ടിയിടിച്ച് രണ്ട് പേർ മരിച്ചു. ഹാസൻ സകലേശ്പുരിലെ പുതിയ ബസ് സ്റ്റാൻഡിന് സമീപം വ്യാഴാഴ്ച വൈകീട്ടോടെയാണ് അപകടമുണ്ടായത്. ഹാസൻ വലലഹള്ളി സ്വദേശികളായ ആകാശ് (22), ശങ്കർ (45) എന്നിവരാണ് മരിച്ചത്.

സകലേശ്പുര സ്വാമി ക്ഷേത്ര മേളയിൽ പങ്കെടുക്കാൻ ഇരുവരും ബൈക്കിൽ പോകവേയാണ് അപകടമുണ്ടായത്. നിയന്ത്രണം വിട്ട ട്രക്ക് ഇവരുടെ ബൈക്കിലേക്ക് ഇടിക്കുകയായിരുന്നു. ഇടിയുടെ ആഘാതത്തിൽ ഇരുവരും റോഡിലേക്ക് തെറിച്ചുവീണു. ഉടൻ സമീപത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടത്തിൽ ബൈക്ക് പൂർണമായും തകർന്നു. സംഭവത്തിൽ സകലേശ്പുർ ടൗൺ പോലീസ് കേസെടുത്തു.

TAGS: KARNATAKA
SUMMARY: Two dies after truck hits bike