ബെംഗളൂരു: കർണാടകയിലെ ബെലഗാവി ജില്ലയില് ബീഫ് കടത്തിയെന്ന് ആരോപിച്ച് ആള്ക്കൂട്ടം ട്രക്കിന് തീയിട്ടു. റായ്ബാഗിനടുത്തുള്ള ഐനാപൂരില് ഇന്നലെയാണ് സംഭവം. ഇരുവിഭാഗത്തിനും എതിരെ പോലീസ് കേസെടുത്തു. ലോറി ഉടമ, ഡ്രൈവർ, എന്നിവർക്കെതിരെ ഗോവധ നിരോധന നിയമപ്രകാരം കേസെടുത്തു.
ലോറി തീയിട്ടത്തിന് 6 പേർക്ക് എതിരെയാണ് കേസ് എടുത്തത്. 6 യുവാക്കളെ നിലവില് അറസ്റ്റ് ചെയ്തു. എഴ് ക്വിന്റല് ബീഫുമായി പോയ ലോറിയാണ് കത്തിച്ചത്. ലോറി കത്തിച്ചത് കൂടാതെ ലോറി ഡ്രൈവറെ ക്രൂരമായി മർദ്ദിച്ചു. റായ്ബാഗില് നിന്ന് ഹൈദരാബാദിലേക്ക് പോവുകയായിരുന്ന ലോറിയാണ് സംഘം കത്തിച്ചതെന്നാണ് വിവരം.
സംഭവം നടന്ന അയിനാപൂർ ഗ്രാമത്തില് സുരക്ഷ ശക്തമാക്കിയിട്ടുണ്ട്. ഉന്നത പോലീസ് ഉദ്യോഗസ്ഥർ സ്ഥലത്ത് ക്യാമ്പ് ചെയ്യുന്നുണ്ട്. സംഭവത്തെ തുടര്ന്ന് പോലീസ് രണ്ട് കേസുകള് രജിസ്ട്രര് ചെയ്തിട്ടുണ്ട്. അനധികൃതമായി പോത്തിറച്ചി കടത്തിയതിനും പോലീസ് കേസെടുത്തു.
SUMMARY: Mob sets truck on fire, alleging beef smuggling; six arrested
