കോഴിക്കോട്: കോഴിക്കോട് ഉള്ളിയേരിയിൽ കൈക്കൂലി വാങ്ങുന്നതിനിടെ റവന്യു വകുപ്പ് ഉദ്യോഗസ്ഥൻ പിടിയിൽ. ഉള്ളിയേരി ഡിജിറ്റല്‍ സര്‍വേ ഹെഡ് ഗ്രേഡ് സർവേയർ നരിക്കുനി നെല്ലിക്കുന്നുമ്മല്‍ എന്‍.കെ മുഹമ്മദ് ആണ് പിടിയിലായത്. പതിനായിരം രൂപ കൈക്കൂലി വാങ്ങുന്നതിനിടെയാണ് മുഹമ്മദ് വിജിലൻസിൻ്റെ പിടിയിലായത്.
ഉള്ളിയേരി നാറാത്ത് സ്വദേശിയായ പരാതിക്കാരന്റെ അനുജന്റെ പേരിലുള്ള സ്ഥലം ഇക്കഴിഞ്ഞ ഒക്ടോബറില്‍ ഡിജിറ്റല്‍ അളവുനടത്തിയപ്പോള്‍ കുറവുണ്ടെന്നു പറഞ്ഞ് കൈക്കൂലി ആവശ്യപ്പെടുകയായിരുന്നു.
നാലേക്കര്‍ 55 സെന്റ് സ്ഥലമാണ് കഴിഞ്ഞദിവസം സര്‍വേ നടത്തിയത്. അളന്നപ്പോള്‍ സ്ഥലം കുറവുണ്ടെന്നു പറഞ്ഞ് 10,000 രൂപ കൈക്കൂലി ആവശ്യപ്പെടുകയായിരുന്നു. ഇക്കഴിഞ്ഞ ശനിയാഴ്ചയും വീണ്ടും കൈക്കൂലി ആവശ്യപ്പെട്ടപ്പോള്‍ പരാതിക്കാരന്‍ വിജിലന്‍സ് പോലീസ് സൂപ്രണ്ടിനെ വിവരമറിയിച്ചു. വിജിലന്‍സ് നല്‍കിയ 10,000-ത്തിന്റെ നോട്ട് പരാതിക്കാരനില്‍നിന്ന് മുഹമ്മദ് വാങ്ങിയ ഉടന്‍ വിജിലന്‍സ് സെല്‍ പിടികൂടുകയായിരുന്നു.
<BR>
TAGS : ARRESTED
SUMMARY : Bribe for digital survey; Surveyor arrested
