തിരുവനന്തപുരം: വെഞ്ഞാറമൂട്ടില് യുവതിയെ തൂങ്ങി മരിച്ച നിലയില് കണ്ടെത്തി. വെഞ്ഞാറമൂട് മുക്കന്നൂര് സ്വദേശി പ്രവീണ(32)യെ ആണ് വീടിനുള്ളില് മരിച്ച നിലയില് കണ്ടെത്തിയത്. മരണത്തില് ദുരൂഹതയുണ്ടെന്ന് കുടുംബം പറഞ്ഞു.
പ്രവീണയെ ചിലര് ശല്യപ്പെടുത്തിയിരുന്നതായി കുടുംബം പോലിസില് പരാതി നല്കിയിട്ടും പരാതിയില് പോലിസിന്റെ ഇടപെടല് ഉണ്ടായില്ലെന്ന് പ്രവീണയുടെ സഹോദരന് പറഞ്ഞു. സഹോദരിക്കെതിരെ വ്യാജ പ്രചാരണങ്ങള് ഉണ്ടായി. ഇതിന് പിന്നില് ചില നാട്ടുകാരും കുടുംബക്കാരും ആണെന്ന് സഹോദരന് ആരോപിച്ചു.
മാനസികമായി തളര്ന്ന നിലയില് ആയിരുന്നു സഹോദരി. മൊബൈല് ഫോണില് ഒരാള് മോശം സന്ദേശങ്ങള് അയച്ചു. കഴിഞ്ഞ ദിവസം ബൈക്കില് എത്തിയ അജ്ഞാതന് പ്രവീണയുടെ വാഹനം ഇടിച്ചിട്ടു. അപകടത്തില് പ്രവീണയ്ക്ക് സാരമായി പരുക്കേറ്റെന്നും സഹോദരന് പ്രവീണ് പറഞ്ഞു.
TAGS : LATEST NEWS
SUMMARY : Woman found dead by hanging:
WhatsApp
Telegram
