ഹുക്ക നിരോധനം ശരിവച്ച് കർണാടക ഹൈക്കോടതി

ബെംഗളൂരു: പൊതുസ്ഥലങ്ങളിൽ ഹുക്ക വിൽക്കുന്നതിനും ഉപയോഗിക്കുന്നതിനും സംസ്ഥാന സർക്കാർ ഏർപ്പെടുത്തിയ നിരോധനം ശരിവച്ചു കർണാടക ഹൈക്കോടതി. ഒരു മണിക്കൂർ നീണ്ടുനിൽക്കുന്ന ഹുക്ക ഉപയോഗം ഏകദേശം 100 സിഗരറ്റ് വലിക്കുന്നതിന് തുല്യമാണെന്ന് കോടതി നിരീക്ഷിച്ചു. നിരോധിത പദാർത്ഥമായ മൊളാസസിൽ ഹുക്കയില്‍ അടങ്ങിയിട്ടുണ്ട്. പുകയില അടങ്ങിയിട്ടില്ല എന്ന കാരണത്താൽ ഹെർബൽ ഹുക്ക പോലും നിയന്ത്രണവിധേയമാക്കാൻ കഴിയില്ലെന്നും കോടതി പറഞ്ഞു.

ആർ. ഭരതും ഹുക്ക ബാറുടമകളും സമർപ്പിച്ച വിവിധ ഹർജികൾ തള്ളിക്കൊണ്ടാണ് ജസ്റ്റിസ് എം.നാഗപ്രസന്നയുടെ ഉത്തരവ് പുറപ്പെടുവിച്ചത്. ഹുക്ക ബാറുകൾ ഉൾപ്പെടെയുള്ള പൊതുസ്ഥലങ്ങളിൽ ഹുക്ക വിൽപനയും ഉപയോഗവും നിരോധിച്ചുകൊണ്ട് 2024 ഫെബ്രുവരി 7ലെ സംസ്ഥാന സർക്കാരിൻ്റെ വിജ്ഞാപനത്തിൻ്റെ നിയമസാധുതയാണ് ഹർജിക്കാർ ചോദ്യം ചെയ്തത്.

The post ഹുക്ക നിരോധനം ശരിവച്ച് കർണാടക ഹൈക്കോടതി appeared first on News Bengaluru.