ഉത്തർപ്രദേശിലെ ആഗ്ര – അലിഗഡ് ദേശീയപാതയിൽ മീതായ് ഗ്രാമത്തിന് സമീപം ഹത്രാസില്‍ വാനിൽ ബസ് ഇടിച്ച് 12 പേർ മരിച്ചു. വാനിന്‍റെ പിന്നിലേക്ക് ബസ് ഇടിച്ചുകയറുകയായിരുന്നുവെന്ന് ദേശീയ മാധ്യമങ്ങൾ റിപ്പോർട്ട് ചെയ്തു. അപകടത്തിൽ 16 പേർക്ക് പരുക്കേറ്റു. ഇവരെ സമീപത്തെ ആശുപത്രിയിൽ പ്രവേശിപ്പിച്ചു. ഹത്രാസ് സസാനിയിലെ മുകുന്ദ് ഖേദയിൽ നിന്നുള്ളവരാണ് അപകടത്തിൽപെട്ടത്. പരുക്കേറ്റ 16 പേരിൽ 4 പേരുടെ നില ഗുരുതരമാണെന്നാണ് റിപ്പോർട്ട്. ഇവരെ ജില്ലാ ആശുപത്രിയിലേക്ക് റഫർ ചെയ്തിട്ടുണ്ട്. മരിച്ചവരിൽ 4 കുട്ടികളും 4 സ്ത്രീകളും 4 പുരുഷന്മാരും ഉൾപ്പെടുന്നു.
ബസ് വാനിനെ മറികടക്കാൻ ശ്രമിക്കുന്നതിനിടെയാണ് അപകടമുണ്ടായതെന്ന് പോലീസ് പറഞ്ഞു. പരുക്കേറ്റവരിൽ നാല് പേരുടെ നില ഗുരുതരമാണ്. ആഗ്രയിൽനിന്ന് ഹത്രാസിലേക്കുള്ള യാത്രക്കാരാണ് അപകടത്തിൽ പെട്ടത്. മരിച്ചവരുടെ കുടുംബത്തിന് രണ്ടുലക്ഷം രൂപയും പരുക്കേറ്റവർക്ക് 50,000 രൂപയും പ്രധാനമന്ത്രി അടിയന്തര സഹായം പ്രഖ്യാപിച്ചു.
<BR>
TAGS ; UTTARPRADESH | ACCIDENT
SUMMARY : Massive car accident in Uttar Pradesh’s Hatras; 12 death
WhatsApp
Telegram
