ബെംഗളൂരു: ബെംഗളൂരുവിൽ അടുത്ത രണ്ട് ദിവസത്തേക്ക് കനത്ത മഴയക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. വ്യാഴം, വെള്ളി ദിവസങ്ങളിൽ ബെംഗളൂരുവിൽ ഇടിമിന്നലോടുകൂടിയാ മഴ ലഭിച്ചേക്കും ഇതോടെ നഗരത്തിലെ പരമാവധി താപനില കുറയുമെന്ന് പ്രതീക്ഷിക്കുന്നുവെന്നും ഐഎംഡി അറിയിച്ചു.
അടുത്ത രണ്ട് ദിവസങ്ങളിൽ നഗരത്തിലെ പരമാവധി, കുറഞ്ഞ താപനില 36 ഡിഗ്രി സെൽഷ്യസിനും 20 ഡിഗ്രി സെൽഷ്യസിനും ഇടയിൽ ആയിരിക്കും. മഴയ്ക്ക് ശേഷം പരമാവധി താപനില 30 ഡിഗ്രി സെൽഷ്യസ് ആയി കുറഞ്ഞേക്കും.
ഏപ്രിൽ 1 മുതൽ 3 വരെ കർണാടകയിൽ ഒറ്റപ്പെട്ട നേരിയ മഴയ്ക്കും ഇടിമിന്നലിനും സാധ്യതയുണ്ടെന്നും ഐഎംഡി പ്രവചിച്ചു. ഉത്തര കന്നഡ, ദക്ഷിണ കന്നഡ, ഉഡുപ്പി, ബെളഗാവി, ധാർവാഡ്, ഗദഗ്, ചിക്കമഗളൂരു, ഹാസൻ, കുടക്, മൈസൂരു എന്നിവിടങ്ങളിൽ ഏപ്രിൽ മൂന്ന് വരെ യെല്ലോ അലർട്ട് പുറപ്പെടുവിച്ചിട്ടുമുണ്ട്. ഈ ജില്ലകളിൽ തീവ്രമായ മഴയും ഇടിമിന്നലും ശക്തമായ കാറ്റും ഉണ്ടായേക്കുമെന്ന് ഐഎംഡി അറിയിച്ചു.
കഴിഞ്ഞ ഒരാഴ്ചയായി സംസ്ഥാനത്തിന്റെ വിവിധ ഭാഗങ്ങളിൽ നേരിയ തോതിൽ മഴ പെയ്യുന്നുണ്ട്. വിജയനഗർ, ശിവമൊഗ, തുമകുരു, മാണ്ഡ്യ, കോലാർ, ദാവൻഗെരെ, ചിത്രദുർഗ, ബെംഗളൂരു റൂറൽ, ബെംഗളൂരു അർബൻ, യാദ്ഗിർ, വിജയപുര, റായ്ച്ചൂർ, കോപ്പാൾ, കലബുർഗി, ബിദർ എന്നിവിടങ്ങളിൽ കഴിഞ്ഞ ദിവസങ്ങളിൽ ശക്തമായ കാറ്റും മഴയും ലഭിച്ചിരുന്നു.
TAGS: RAIN | KARNATAKA
SUMMARY: Bengaluru to witness heavy rainfall for coming days
WhatsApp
Telegram
