ബെംഗളൂരു: ബെംഗളൂരുവിൽ ലിഫ്റ്റ് ചോദിച്ച കോളേജ് വിദ്യാർഥിനിയെ ലൈംഗികമായി പീഡിപ്പിച്ച കേസിൽ ഒരാൾ അറസ്റ്റിൽ. ഹൊസൂര് റോഡില് വെച്ച് ഞായറാഴ്ച പുലര്ച്ചെ 1.30നായിരുന്നു സംഭവം. നഗരത്തിലെ സ്വകാര്യ കോളജിലെ അവസാന വർഷ ഡിഗ്രി വിദ്യാർഥിനിയാണ് പീഡിപ്പിക്കപ്പെട്ടത്. തമിഴ്നാട് സ്വദേശി മുകേശ്വരൻ ആണ് അറസ്റ്റിലായത്. അതിക്രമം നടത്തിയ ശേഷം ഇയാൾ ഒളിവിൽ പോയിരുന്നു. സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് പോലീസ് പ്രതിയെ പിടികൂടിയത്.
കോറമംഗലയിൽ നടന്ന പാർട്ടിക്കുശേഷം രാത്രി വീട്ടിലേക്കു മടങ്ങുകയായിരുന്ന യുവതിയാണ് അതിക്രമത്തിനിരയായത്. യാത്രക്കായി ലിഫ്റ്റ് തേടിയ യുവതിയെ ഇയാൾ വിജനമായ ഇടത്തേക്ക് കൊണ്ടുപോയി പീഡിപ്പിക്കുകയായിരുന്നു. പിന്നീട് സുഹൃത്തുക്കളെത്തിയാണ് യുവതിയെ രക്ഷിച്ചത്. നിലവിൽ സ്വകാര്യ ആശുപത്രിയിൽ തീവ്രപരിചരണ വിഭാഗത്തില് ചികിത്സയിലുള്ള യുവതിയുടെ ആരോഗ്യനില തൃപ്തികരമാണെന്ന് എച്ച്എസ്ആർ ലേഔട്ട് പോലീസ് അറിയിച്ചു.
TAGS: BENGALURU | ARREST
SUMMARY: One arrested by HSR Layout police in attempted rape case
