ഐപിഎല്ലിൽ ലഖ്നൗ സൂപ്പർ ജയന്‍റ്സിനെതിരേ ഡൽഹി ക‍്യാപ്പിറ്റൽസിന് 8 വിക്കറ്റ് ജയം. ലഖ്നൗ ഉയർത്തിയ 160 റൺസ് വിജയലക്ഷ‍്യം ഡൽഹി ക‍്യാപ്പിറ്റൽസ് 17.5 ഓവറിൽ മറികടന്നു. അഭിഷേക് പോറൽ (51), കെ.എൽ. രാഹുൽ എന്നിവരുടെ മികച്ച പ്രകടനമാണ് ഡൽഹിക്കു കരുത്തേകിയത്.
42 പന്തിൽ നിന്നും 57 റൺസ് നേടി പുറത്താവാതെ നിന്ന കെ.എൽ രാഹുലാണ് ഡൽഹിയുടെ ടോപ് സ്കോറർ. 3 ബൗണ്ടറിയും 2 സിക്സറും അടങ്ങുന്നതായിരുന്നു താരത്തിന്‍റെ ഇന്നിങ്സ്. ലഖ്നൗവിനു വേണ്ടി ഐഡൻ മാർക്രത്തിനു മാത്രമാണ് വിക്കറ്റ് വീഴ്ത്താനായത്.
ലഖ്നൗവിന്‍റെ വിജയലക്ഷ‍്യം മറികടക്കാൻ ഡൽഹിക്ക് മികച്ച തുടക്കമാണ് ഓപ്പണർമാരായ അഭിഷേക് പോറലും മലയാളി താരമായ കരുൺ നായരും നൽകിയത്.
ടോസ് നഷ്ടപ്പെട്ട് ആദ‍്യം ബാറ്റിങ്ങിനിറങ്ങിയ ലഖ്നൗവിന് നിശ്ചിത 20 ഓവറിൽ 6 വിക്കറ്റ് നഷ്ടത്തിൽ 159 റൺസ് നേടാനെ സാധിച്ചുള്ളൂ 33 പന്തിൽ നിന്നും 52 റൺസ് നേടിയ ഐഡൻ മാർക്രമാണ് ലഖ്നൗവിന്‍റെ ടോപ് സ്കോറർ. 2 ബൗണ്ടറിയും 3 സിക്സറുകളും അടങ്ങുന്നതായിരുന്നു താരത്തിന്‍റെ ഇന്നിങ്സ്.
മാർക്രത്തിനു പുറമെ മിച്ചൽ മാർഷിനു മാത്രമാണ് ഭേദപ്പെട്ട പ്രകടനം പുറത്തെടുക്കാനായത് (45). നിക്കൊളാസ് പുരാൻ (9), അബ്ദുൾ സമദ് (2), ഡേവിഡ് മില്ലർ (14), ഋഷഭ് പന്ത് (0) എന്നിവർ നിരാശപ്പെടുത്തി. അഞ്ചാം വിക്കറ്റിൽ ആയുഷ് ബധോനി (36) ഭേദപ്പെട്ട പ്രകടനം പുറത്തെടുത്തുവെങ്കിലും ടീം സ്കോർ ഉയർത്താനായില്ല.
TAGS: SPORTS | IPL
SUMMARY: Delhi Capitals won against lucknow in ipl
WhatsApp
Telegram
