ബെംഗളൂരു: ബെംഗളൂരു റെയിൽവേ ഡിവിഷനിലെ പെനുകൊണ്ട-മക്കാജിപ്പള്ളി സെക്ഷനിലെ ട്രാക്ക് ഇരട്ടിപ്പിക്കൽ ജോലികൾ നടക്കുന്നതിനാൽ ബെംഗളൂരു വഴിയുള്ള മൂന്ന് ട്രെയിൻ സർവീസുകളിൽ മാറ്റം വരുത്തിയതായി ദക്ഷിണ പശ്ചിമ റെയിൽവേ (എസ്ഡബ്ല്യൂആർ) അറിയിച്ചു.
കെഎസ്ആർ ബെംഗളൂരു-ശ്രീ സത്യസായി പ്രശാന്തി നിലയം മെമു (ട്രെയിൻ നമ്പർ 66559), ശ്രീ സത്യസായി പ്രശാന്തി നിലയം-കെഎസ്ആർ ബെംഗളൂരു മെമു (ട്രെയിൻ നമ്പർ 66560) എന്നിവ ഫെബ്രുവരി 28 വരെ സർവീസ് റദ്ദാക്കും. ട്രെയിൻ നമ്പർ 06595 കെഎസ്ആർ ബെംഗളൂരു-ധർമ്മവാരം മെമു സ്പെഷ്യൽ ട്രെയിൻ ഫെബ്രുവരി 28 വരെ ഹിന്ദുപുരിനും ധർമ്മവാരത്തിനും ഇടയിൽ സർവീസ് റദ്ദാക്കും. ട്രെയിൻ ഈ ദിവസങ്ങളിൽ ഹിന്ദുപുരിൽ അവസാനിക്കും. ട്രെയിൻ നമ്പർ 06596 ധർമ്മവാരം-കെഎസ്ആർ ബെംഗളൂരു മെമു സ്പെഷ്യൽ ഫെബ്രുവരി 28 വരെ ധർമ്മവാരത്തിനും ഹിന്ദുപൂരിനും ഇടയിൽ സർവീസ് റദ്ദാക്കും. ട്രെയിൻ ധർമ്മവാരത്തിന് പകരം ഹിന്ദുപുരിൽ നിന്ന് പുറപ്പെടും.
TAGS: BENGALURU
SUMMARY: Train cancellations scheduled enroute Bengaluru
