പോക്സോ കേസ് പ്രതി മരിച്ചനിലയില്‍ കണ്ടെത്തി

കോഴിക്കോട്: പോക്സോ കേസ് പ്രതിയായ 75 കാരനെ തൂങ്ങി മരിച്ചനിലയില്‍ കണ്ടെത്തി. കുറ്റിക്കാട്ടൂര്‍ സ്വദേശി സൈതലവി ആണ് മരിച്ചത്. ഓടിട്ട വീടിന്റെ കഴുക്കോലില്‍ പ്ലാസ്റ്റിക് കയറില്‍ തൂങ്ങി മരിച്ച നിലയിലായിരുന്നു കണ്ടെത്തിയത്.

കഴിഞ്ഞ ഓഗസ്റ്റിലാണ് മാനസിക വൈകല്യമുള്ള കുട്ടിക്ക് നേരെ വീട്ടില്‍ വച്ച്‌ ലൈംഗിക അതിക്രമം നടത്തിയ സംഭവത്തില്‍ സൈതലവിക്കെതിരെ പോക്സോ കേസ് എടുത്തത്. കോഴിക്കോട് മെഡിക്കല്‍ കോളജ് പോലീസാണ് കേസ് രജിസ്റ്റര്‍ ചെയ്തത്. ജാമ്യത്തിലായിരുന്നു സൈതലവി.

TAGS : LATEST NEWS
SUMMARY : Accused found dead in POCSO case