പ്ലാസ്റ്റിക് ഉത്പന്നങ്ങളുമായി ബെംഗളൂരുവിലേക്ക് വരികയായിരുന്ന ട്രക്കിന് തീപിടിച്ചു

ബെംഗളൂരു: പ്ലാസ്റ്റിക് ഉത്പന്നങ്ങളുമായി ബെംഗളൂരുവിലേക്ക് വരികയായിരുന്ന ട്രക്കിന് തീപിടിച്ചു. ഹാസൻ 80 ഫീറ്റ് റോഡിലാണ് അപകടമുണ്ടായത്. ഹാസനിൽ നിന്ന് ബെംഗളൂരുവിലേക്ക് പ്ലാസ്റ്റിക് സാധനങ്ങളുമായി പോവുകയായിരുന്നു ട്രക്ക്.

ചിക്കമഗളൂരു മുടിഗെരെ രജിസ്ട്രേഷനിലുള്ള ട്രക്കാണ് അപകടത്തിൽ പെട്ടത്. സംഭവത്തിൽ വാഹനം മുഴുവനായും കത്തിനശിച്ചു. ഡ്രൈവർ ഭക്ഷണം കഴിക്കാനായി റോഡരികിൽ ട്രക്ക് നിർത്തി പുറത്തിറങ്ങിയപ്പോഴായിരുന്നു സംഭവം. ആളപായമില്ല. അഗ്നിശമന സേനാംഗങ്ങൾ സ്ഥലത്തെത്തി തീയണച്ചു. സംഭവത്തിൽ പെൻഷൻ മൊഹല്ല പോലീസ് കേസെടുത്തു.

TAGS: KARNATAKA | FIRE
SUMMARY: Truck Enroute to Bangalore gutted in fire