ബെംഗളൂരു: ബിഡദി റെയില്വേ സ്റ്റേഷന് നേരെ ബോംബ് ഭീഷണി. തിങ്കളാഴ്ച രാത്രിയാണ് സ്റ്റേഷനിലേക്ക് ഭീഷണി സന്ദേശം ലഭിച്ചത്. ഒന്നിലധികം തവണയാണ് കണ്ട്രോള് റൂമിലേക്ക് ഭീഷണി സന്ദേശം ലഭിച്ചത്. വിവരം അറിഞ്ഞയുടന് ആര്പിഎഫ് ഉദ്യോഗസ്ഥരും ബോംബ് സ്ക്വാഡും സ്ഥലത്തെത്തി പരിശോധന നടത്തിയെങ്കിലും ബോംബ് കണ്ടെത്താനായില്ല.
മൂന്ന് തവണയാണ് സ്റ്റേഷനില് ബോംബ് വച്ചിട്ടുണ്ടെന്ന് അവകാശപ്പെടുന്ന സന്ദേശം ലഭിച്ചതെന്ന് റെയില്വേ അധികൃതര് പറഞ്ഞു. എന്നാല് സന്ദേശം വ്യാജമാണെന്ന് പോലീസ് പിന്നീട് സ്ഥിരീകരിച്ചു. റെയില്വേ ഉദ്യോഗസ്ഥരുടെ പരാതിയില് കേസെടുത്തതായി രാമനഗര ഡെപ്യൂട്ടി സൂപ്രണ്ട് ഓഫ് പോലീസ് അറിയിച്ചു. ഭീഷണി സന്ദേശം ലഭിച്ചതിനെത്തുടര്ന്ന് സ്റ്റേഷനില് മണിക്കൂറുകളോളം നിരവധി യാത്രക്കാരെ പരിശോധനയ്ക്ക് വിധേയരാക്കിയിരുന്നു.
TAGS: KARNATAKA | HOAX BOMB THREAT
SUMMARY: Bidadi railway station receives bomb threats
WhatsApp
Telegram
