ബൈക്ക് ചരക്ക് വാഹനവുമായി കൂട്ടിയിടിച്ച് ആർപിഎഫ് കോൺസ്റ്റബിൾ മരിച്ചു

ബെംഗളൂരു: ബൈക്ക് ചരക്ക് വാഹനവുമായി കൂട്ടിയിടിച്ചുണ്ടായ അപകടത്തിൽ ആർപിഎഫ് കോൺസ്റ്റബിൾ മരിച്ചു. ബുധനാഴ്ച രാത്രി നാഗർഭാവി സർവീസ് റോഡിലായിരുന്നു അപകടം. ആംഡ് റിസർവ് പോലീസ് ഫോഴ്‌സ് കോൺസ്റ്റബിളായ മനു സി.ബി. (27) ആണ് മരിച്ചത്.

നാഗർഭാവിയിൽ നിന്ന് നയന്ദഹള്ളി റൂട്ടിൽ വരികയായിരുന്ന മനുവിന്റെ ബൈക്ക് നിയന്ത്രണം വിട്ട് ചരക്ക് വാഹനവുമായി കൂട്ടിയിടിക്കുകയായിരുന്നു. ഗുരുതരമായി പരുക്കേറ്റ മനു വിക്ടോറിയ ആശുപത്രിയിലേക്ക് കൊണ്ടുപോകും വഴി മരിച്ചു. സംഭവത്തിൽ പോലീസ് കേസെടുത്തു.

TAGS: BENGALURU | ACCIDENT
SUMMARY: RPF constable dies after bike collides with goods vehicle