ബെംഗളൂരു: പട്ടികജാതി വിഭാഗങ്ങളിലെ ആഭ്യന്തര സംവരണം സംബന്ധിച്ച് വിശദമായി പഠിക്കാൻ ഏകാംഗ കമ്മിഷൻ രൂപീകരിച്ച് സംസ്ഥാന സർക്കാർ. വിരമിച്ച ഹൈക്കോടതി ജഡ്ജി എച്ച്.എൻ. നാഗ്മോഹൻദാസിൻ്റെ നേതൃത്വത്തിലാണ് കമ്മീഷൻ. രണ്ട് മാസത്തിനകം അവലോകനം നടത്തി ഉചിതമായ ശുപാർശകൾ നൽകാനാണ് സമിതിയോട് സർക്കാർ ആവശ്യപ്പെട്ടിരിക്കുന്നത്.
പട്ടികജാതി-പട്ടികവർഗ വിഭാഗങ്ങളിൽ ആഭ്യന്തര സംവരണം നടപ്പാക്കാൻ സംസ്ഥാന സർക്കാരുകളോട് സുപ്രീം കോടതി ഉത്തരവിട്ടതിന് പിന്നാലെയാണിത്. സംസ്ഥാനത്തുടനീളമുള്ള വിദ്യാഭ്യാസ സ്ഥാപനങ്ങളിലും സർക്കാർ ജോലിയിലും വിവിധ പട്ടികജാതി ഉപജാതികളുടെ പ്രാതിനിധ്യം സംബന്ധിച്ച സ്ഥിതിവിവരക്കണക്കുകൾ ശേഖരിക്കാനും കമ്മീഷനോട് ആവശ്യപ്പെട്ടിട്ടുണ്ട്. അടുത്ത രണ്ട് മാസത്തിനകം ശുപാർശകളടങ്ങിയ വിശദമായ റിപ്പോർട്ട് സർക്കാരിന് സമർപ്പിക്കും.
TAGS: KARNATAKA | RESERVATION
SUMMARY: Karnataka govt. forms internal reservation commission headed by Justice Nagamohan Das
