വിവാഹ വാഗ്ദാനം നല്‍കി പീഡിപ്പിച്ചു; സോഷ്യല്‍ മീഡിയ ഇൻഫ്ലുവൻസര്‍ ‘തൃക്കണ്ണൻ’ കസ്റ്റഡിയില്‍

ആലപ്പുഴ: വിവാഹം കഴിക്കാമെന്ന് വാഗ്‌ദാനം ചെയ്ത് പീഡിപ്പിച്ചെന്ന പരാതിയില്‍ സോഷ്യല്‍ മീഡിയ ഇൻഫ്ലുവൻസറെ പോലീസ് കസ്റ്റഡിയിലെടുത്തു. തൃക്കണ്ണൻ എന്ന പേരില്‍ സമൂഹ മാധ്യമങ്ങളില്‍ അറിയപ്പെടുന്ന ഇരവുകാട് സ്വദേശി ഹാഫിസിനെയാണ് പോലീസ് കസ്റ്റഡിയിലെടുത്തത്. ആലപ്പുഴ സൗത്ത് പോലീസാണ്‌ ഇയാളെ പിടികൂടിയത്. ആലപ്പുഴ സ്വദേശിനിയായ യുവതി നല്‍കിയ പരാതിയുടെ അടിസ്ഥാനത്തിലാണ് ഇയാള്‍ക്കെതിരെ കേസെടുത്തത്.

വിവാഹം കഴിക്കാമെന്ന് ഉറപ്പ് നല്‍കുകയും റീല്‍സ് ചിത്രീകരിക്കാനായി ഒപ്പം കൂട്ടുകയും പീഡിപ്പിക്കുകയും ചെയ്തുവെന്നാണ് പരാതിയില്‍ പറയുന്നത്. ഉടൻ തന്നെ ഹാഫിസിന്റെ അറസ്റ്റ് രേഖപ്പെടുത്തി കോടതിയില്‍ ഹാജരാക്കുമെന്ന് പോലീസ് പറഞ്ഞു. ഇൻസ്റ്റാഗ്രാമില്‍ 3 ലക്ഷത്തിലധികം ഫോളോവേഴ്‌സ് ഉള്ള ആളാണ് തൃക്കണ്ണൻ എന്നറിയപ്പെടുന്ന ഹാഫിസ്. ഇയാള്‍ ചില സിനിമകളിലും ചെറിയ വേഷങ്ങളില്‍ എത്തിയിട്ടുണ്ട്.

TAGS : LATEST NEWS
SUMMARY : Social media influencer ‘Thrikkannan’ in custody after being promised marriage, raped