തിരുവനന്തപുരം: തിരുവനന്തപുരം കഴക്കൂട്ടം പോലീസ് സ്റ്റേഷന്റെ മുൻവശത്ത് നിർത്തിയിട്ടിരുന്ന വാഹനത്തില് മദ്യപിച്ച പോലീസുകാർക്ക് സസ്പെൻഷൻ. ഗ്രേഡ് എസ്ഐ ബിനു, സിപിഒമാരായ അരുണ്, രതീഷ്, അഖില്രാജ്, അരുണ് എംഎസ്, മനോജ് കുമാർ എന്നിവരെയാണ് സസ്പെൻഡ് ചെയ്തത്. വാഹനത്തില് ഉണ്ടായിരുന്ന ആറുപേരില് നാല് ഉദ്യോഗസ്ഥരാണ് മദ്യപിച്ചതായി കണ്ടെത്തിയതെങ്കിലും ആറുപേരെയും സസ്പെൻഡ് ചെയ്യുകയായിരുന്നു.
ഗ്രേഡ് എസ്ഐ ബിനുവിനെതിരെ മദ്യപിച്ച് വാഹമോടിച്ചതിനും കേസെടുക്കും. പോലീസ് സ്റ്റേഷന് സമീപം നിർത്തിയിട്ട വാഹനത്തില് പോലീസുകാർ മദ്യപിക്കുന്ന ദൃശ്യങ്ങള് കഴിഞ്ഞ ദിവസമാണ് പുറത്തുവന്നത്. കഴക്കൂട്ടം പോലീസ് സ്റ്റേഷന് മുന്നില് നിർത്തിയിട്ട വാഹനത്തില്വെച്ചായിരുന്നു ഡ്യൂട്ടിയിലുള്ള പോലീസുകാരുടെ പരസ്യമദ്യപാനം. കഴക്കൂട്ടത്തെ ഹോട്ടലുടമയുടെ മകളുടെ വിവാഹ സല്ക്കാരത്തിന് മുന്നോടിയായിട്ടായിരുന്നു മദ്യപാനം. മദ്യപിച്ച ശേഷം പോലീസ് ഉദ്യോഗസ്ഥർ തിരികെ ഡ്യൂട്ടിയില് പ്രവേശിച്ചെന്നും റിപ്പോർട്ടുകളുണ്ട്.
SUMMARY: Drinking alcohol in a car parked in front of a police station; 6 police officers suspended
WhatsApp
Telegram
