കണ്ണൂർ: വ്യാജ ആധാർ കാർഡ് നിർമ്മാണവുമായി ബന്ധപ്പെട്ട ആരോപണത്തെ തുടർന്ന് എഐസിസി ജനറല് സെക്രട്ടറി കെ.സി വേണുഗോപാലിന് സിപിഐഎം വക്കീല് നോട്ടീസ് അയച്ചു. പയ്യന്നൂരിലെ സംഭവവുമായി ബന്ധപ്പെട്ടാണ് സിപിഐഎം കണ്ണൂർ ജില്ലാ സെക്രട്ടറി കെ.കെ രാഗേഷ് നിയമനടപടി സ്വീകരിച്ചത്. അഭിഭാഷകൻ കെ വിശ്വത്തിന്റെ മുഖേനയാണ് നോട്ടീസ് അയച്ചത്.
ഇതിന് മുമ്പ്, വിഷയത്തില് കെപിസിസി തിരഞ്ഞെടുപ്പ് കമ്മീഷനില് പരാതി നല്കിയിരുന്നു. തുടർന്ന് കമ്മീഷൻ ഡെപ്യൂട്ടി കളക്ടറോട് റിപ്പോർട്ട് ആവശ്യപ്പെട്ടിരുന്നു. ഇതിന്റെ പശ്ചാത്തലത്തിലാണ് സിപിഐഎം നിയമനടപടിയിലേക്ക് നീങ്ങിയത്. പയ്യന്നൂർ ഏരിയ കമ്മിറ്റി ഓഫീസിന്റെ മൂന്നാം നിലയില് വ്യാജ ആധാർ കാർഡുകള് നിർമ്മിക്കപ്പെടുന്നുവെന്നായിരുന്നു കെ.സി വേണുഗോപാലിന്റെ ആരോപണം.
തിരഞ്ഞെടുപ്പിലെ പരാജയഭീതിയാല് സിപിഐഎം പഴയ തന്ത്രങ്ങള് വീണ്ടും പ്രയോഗിക്കുന്നുവെന്നും അദ്ദേഹം വിമർശിച്ചു. കൂടാതെ, സിപിഐഎം ഭീതിയിലാണെന്നും, ടി.പി ചന്ദ്രശേഖരന്റെ സംഭവത്തെ ഓർമ്മിപ്പിക്കുന്ന തരത്തില് തിരഞ്ഞെടുപ്പിനെ നേരിടാൻ പാർട്ടി ശ്രമിക്കുന്നുവെന്നും കെ.സി വേണുഗോപാല് ആരോപിച്ചിരുന്നു.
SUMMARY: CPM legal notice to KC Venugopal over fake Aadhaar card allegations
WhatsApp
Telegram
