ബെംഗളൂരു: മൂന്ന് പതിറ്റാണ്ടിലധികം നീണ്ട ബെംഗളൂരു ജീവിതത്തിന് ശേഷം ജന്മനാട്ടിലേക്ക് മടങ്ങുന്ന പാലക്കാട് ചിറ്റിലഞ്ചേരി സ്വദേശി ശാന്തകുമാറിന് ഉദയനഗറിലെ സുഹൃത്തുക്കളും സഹപ്രവർത്തകരും ചേർന്ന് യാത്രയയപ്പ് നൽകി. കെ.ആർ. പുരം മെട്രോ സ്റ്റേഷന് സമീപമുള്ള വെങ്കട് ഫാമിലി റെസ്റ്റോറന്റിൽ വെച്ച് നടന്ന ചടങ്ങിൽ ഗുരുവായൂർ കൃഷ്ണൻ, ഷാജി, ചന്ദ്രൻ നായർ, പത്മനാഭൻ, സുരേഷ് മേനോൻ, രമേഷ് മേനോൻ, രവി, സുകുമാരൻ, കൃഷ്ണകുമാർ, വാസുദേവൻ എന്നിവർ സംസാരിച്ചു.
ഫൗണ്ടൻ ഹെഡ്, ഐ.ബി.ഡി എന്നീ പബ്ലിഷിംഗ് സ്ഥാപനങ്ങളിൽ ദീർഘകാലം സേവനമനുഷ്ഠിച്ച അദ്ദേഹം ദൂർവാണി നഗർ കേരള സമാജം, ശ്രീ ഹരിഹര ഭജന സംഘം തുടങ്ങിയ സാമൂഹിക-സാംസ്കാരിക സംഘടനകളിൽ സജീവ സാന്നിധ്യമായിരുന്നു.
