ബെംഗളൂരു: ഇന്ത്യന്‍ സിനിമയില്‍ ബോക്‌സ് ഓഫീസില്‍ തരംഗം തീര്‍ത്ത കെജിഎഫ്, കെജിഎഫ് 2, കാന്താര ചാപ്റ്റര്‍ 2, കാന്താര ചാപ്റ്റര്‍ 1,സലാര്‍ തുടങ്ങിയ ചിത്രങ്ങള്‍ സമ്മാനിച്ച നിര്‍മ്മാണ കമ്പനിയായ ഹോംബാലെ ഫിലിംസ് ‘കാട്ടാളന്‍’ കര്‍ണാടക വിതരണാവകാശം സ്വന്തമാക്കി. റെക്കോര്‍ഡ് തുകയ്ക്കാണ് വിതരണാവകാശം ഏറ്റെടുത്തിരിക്കുന്നത് എന്നാണ് ലഭ്യമായ വിവരം. മലയാള സിനിമയ്ക്ക് വലിയൊരു ആഗോള വിപണി ലക്ഷ്യം വെച്ചുകൊണ്ടാണ് ചിത്രം ഒരുങ്ങുന്നത്.
ക്യൂബ്‌സ് എന്റര്‍ടെയ്ന്‍മെന്റ്‌സിന്റെ ബാനറില്‍ മലയാളത്തിലെ ഏറ്റവും വയലന്‍സ് നിറഞ്ഞ സിനിമയെന്ന വിശേഷണവുമായെത്തിയ ‘മാര്‍ക്കോ’ എന്ന സൂപ്പര്‍ഹിറ്റ് ചിത്രത്തിന് ശേഷം ആന്റണി വര്‍ഗീസ് പെപ്പെ, ദുഷാര വിജയന്‍, സുനില്‍, കബീര്‍ സിംഗ് എന്നിവരെ കേന്ദ്ര കഥാപാത്രങ്ങളാക്കി ഷരീഫ് മുഹമ്മദ് നിര്‍മ്മിച്ച് പോള്‍ ജോര്‍ജ്ജ് സംവിധാനം ചെയ്യുന്ന ‘കാട്ടാളന്‍’ തിയേറ്ററുകളിലേക്ക് എത്താനൊരുങ്ങുമ്പോള്‍ ആരാധകര്‍ക്ക് ആവേശം പകര്‍ന്നിരിക്കുകയാണ് ഈ പുതിയ വാര്‍ത്ത.
ക്യൂബ്‌സ് എന്റര്‍ടൈന്‍മെന്റ്‌സും ഹോംബാലെ ഫിലിംസും കൈകോര്‍ക്കുന്നതിലൂടെ ചിത്രത്തിന് വമ്പന്‍ റിലീസായിരിക്കും കര്‍ണാടകയില്‍ ലഭിക്കാന്‍ പോകുന്നത്. സിനിമയുടെ വേള്‍ഡ് വൈഡ് റിലീസ് മെയ് മാസമാണ്.
ചിത്രത്തിൽ ദുഷാര വിജയൻ, സുനിൽ, കബീർ സിംഗ് തുടങ്ങിയവരും പ്രധാന വേഷങ്ങളിലെത്തുന്നു. സംഗീത സംവിധായകൻ സംവിധായകൻ രവി ബസ്രൂർ ഒരുക്കിയ ചിത്രത്തിലെ തീം മ്യൂസിക് ഇതിനകം തന്നെ തരംഗമായിട്ടുണ്ട്.
ഉണ്ണി ആർ സംഭാഷണം നിർവ്വഹിക്കുന്ന ചിത്രത്തിൽ യഥാർത്ഥ ആനയെ ഉൾപ്പെടുത്തി ചിത്രീകരിച്ച ആക്ഷൻ രംഗങ്ങളാണ് മറ്റൊരു പ്രധാന ആകർഷണം. വിഎഫ്എക്സ് സഹായമില്ലാതെ ആനയുമായുള്ള സംഘട്ടന രംഗങ്ങൾ ഒരുക്കിയത് സിനിമയുടെ റിയലിസ്റ്റിക് സ്വഭാവം ഏറെ വർദ്ധിപ്പിക്കുന്നുണ്ട്.
SUMMARY: Hombale Films acquires Karnataka distribution rights of ‘Kaattalan’
