ബെംഗളൂരു: വർത്തൂർ മലയാളി അസോസിയേഷന്റെ ആഭിമുഖ്യത്തില് മെയ് 9, 16 തീയതികളില് ഓണ്ലൈനില് അംഗങ്ങൾക്കും പൊതുജനങ്ങൾക്കുമായി മോഡേൺ എഐ എന്ന പേരിൽ ആർട്ടിഫിഷ്യൽ ഇന്റലിജൻസ് പരിശീലന പരിപാടി സംഘടിപ്പിച്ചു.
ഇന്നത്തെ കാലഘട്ടത്തിൽ ഏറെ പ്രാധാന്യം നേടിക്കൊണ്ടിരിക്കുന്ന എഐ സാങ്കേതികവിദ്യയെ കുറിച്ച് ബോധവൽക്കരണം സൃഷ്ടിക്കുകയും, അതിന്റെ പ്രായോഗിക ഉപയോഗം വർദ്ധിപ്പിക്കുകയും ചെയ്യുക എന്നതായിരുന്നു പരിപാടിയുടെ ലക്ഷ്യം. എഐയുടെ അടിസ്ഥാന ആശയങ്ങൾ, പ്രോംപ്റ്റ് എഞ്ചിനീയറിംഗ്, ചാറ്റ്ബോട്ടുകളുടെ ഉപയോഗം തുടങ്ങിയ വിഷയങ്ങളിൽ പ്രായോഗിക അറിവുകൾ കൈമാറി. പ്രോഗ്രാം വിജയകരമായി പൂർത്തിയാക്കുന്നവർക്ക് സിസ്കോയുടെ സർട്ടിഫിക്കേഷൻ നേടാനുള്ള അവസരവും ഒരുക്കിയിരുന്നു.
ജോസഫ് സിബിച്ചായൻ ഐടി ക്രാഫ്റ്റ്സ് ആണ് പരിശീലം നല്കിയത്. അസോസിയേഷന് പ്രസിഡൻ്റ് അജീഷ് പി.കെ, സെക്രട്ടറി പ്രസീദ് ഇ.ടി, എസ്.ആര് സെക്രട്ടറി ശങ്കര് നമ്പീശൻ എന്നിവര് പരിപാടിക്ക് നേതൃത്വം നല്കി.
SUMMARY: Modern AI training under the leadership of Varthur Malayali Association
