തിരുവനന്തപുരം: മെട്രോമാന് ഇ ശ്രീധരന് മുന്നോട്ടുവെച്ച അതിവേഗ റെയില് പദ്ധതി പഠിക്കാന് നാലംഗ സമിതിയെ നിയോഗിച്ച് സംസ്ഥാന സര്ക്കാര്. പദ്ധതിയുടെ ഇടക്കാല റിപ്പോര്ട്ട് കഴിഞ്ഞ ആഴ്ച ശ്രീധരന് മുഖ്യമന്ത്രി വി ഡി സതീശന് കൈമാറിയിരുന്നു. ഗതാഗത സെക്രട്ടറി അധ്യക്ഷനായ നാലംഗസമിതിയായിരിക്കും പഠനം നടത്തുക. ഇതിന് ശേഷമായിരിക്കും തുടര്നടപടികള് സ്വീകരിക്കുക.
പദ്ധതി സംസ്ഥാന സര്ക്കാരിന് ഒരുതരത്തിലുള്ള ബാധ്യതയുമുണ്ടാക്കില്ലെന്നും അതിനാവശ്യമായ സാമ്പത്തിക ക്രമീകരണങ്ങള് ഉള്പ്പെടെ നിര്ദേശിക്കുന്ന ഇടക്കാല റിപ്പോര്ട്ടാണ് സംസ്ഥാന സര്ക്കാരിന് സമര്പ്പിച്ചിട്ടുള്ളതെന്നും ശ്രീധരന് പറഞ്ഞിരുന്നു. ഗതാഗത സെക്രട്ടറിയുടെ നേതൃത്വത്തിലുള്ള സമിതിയില് പരിസ്ഥിതി വിദഗ്ധന് ശ്രീധര് രാമകൃഷ്ണനെയും ഉള്പ്പെടുത്തിയിട്ടുണ്ട്.
കിലോമീറ്ററിന് 127 കോടി രൂപ ചെലവ് പ്രതീക്ഷിക്കുന്ന പദ്ധതിയാണ് ഇ.ശ്രീധരന് മുന്നോട്ടുവെച്ചിരിക്കുന്നത്. പരമാവധി ചെലവ് 60,000 കോടിയായിരിക്കും. റെയില്വേക്കും സംസ്ഥാന സര്ക്കാറിനും 18,000 കോടി വീതം ചെലവ്. 24,000 കോടി പൊതുജനങ്ങളുടെ ഓഹരി. 140 കിലോമീറ്ററായിരിക്കും പരമാവധി വേഗം. തിരുവനന്തപുരം-കണ്ണര് യാത്രക്ക് മൂന്നരമണിക്കൂര്.
ഓരോ സ്റ്റേഷനുകള് തമ്മിലും 21.5 കിലോമീറ്റര് ദൂരമുണ്ടാവും. അഞ്ച് വര്ഷം കൊണ്ടാവും നിര്മാണം പൂര്ത്തീകരിക്കുക. നേരെത്തെ അതിവേഗ റെയില് പദ്ധതിയുടെ ഭാഗമായി എല്ഡിഎഫ് സര്ക്കാര് റാപ്പിഡ് റെയില് മുന്നോട്ടുവെച്ചിരുന്നു. ഈ പദ്ധതി ഒഴിവാക്കിയാണ് ഇ.ശ്രീധരന്റെ പദ്ധതിയില് പഠനം നടത്താന് സര്ക്കാര് ഒരുങ്ങുന്നത്.
SUMMARY: State government appoints four-member committee to study high-speed rail project
