കൊച്ചി: ശബരിമല സ്വര്ണക്കൊള്ള കേസില് അന്വേഷണം അവസാന ഘട്ടത്തിലെന്ന് എസ്ഐടി ഹൈക്കോടതിയില്. കുറ്റപത്രം ഉടന് സമര്പ്പിക്കുമെന്നും അന്വേഷണ സംഘം കോടതിയെ അറിയിച്ചു. പ്രഭാമണ്ഡലത്തിന്റെയും വാതിലിന്റെ മുകള് ഭാഗത്തെയും പാളികള് ഇളക്കി സാമ്പിളുകള് ശേഖരിക്കും. പരിശോധനയ്ക്ക് ഹൈക്കോടതി എസ്ഐടിക്ക് അനുമതി നല്കി. അന്വേഷണത്തില് ഹൈക്കോടതി തൃപ്തി രേഖപ്പെടുത്തി.
ഹരജി ഈ മാസം 18ന് വീണ്ടും പരിഗണിക്കും. പാളികളില് പൊതിഞ്ഞിരുന്ന സ്വര്ണം സ്മാര്ട്ട് ക്രിയേഷന്സ് 2019ല് പ്രത്യേകതരം ഉപ്പ് ഉപയോഗിച്ച് വേര്തിരിച്ചെന്നും എസ്ഐടി കോടതിയെ അറിയിച്ചു. ഇതിന്റെ സാമ്പിള് ലാബ് പരിശോധനയ്ക്ക് അയച്ചിട്ടുണ്ടെന്നും എസ്ഐടി കോടതിയെ അറിയിച്ചു. ജംഷഡ്പൂര് എന്എംഎലിലെ റിപോര്ട്ട് അന്വേഷണത്തില് നിര്ണായക സഹായം ചെയ്യുമെന്ന് കോടതി നിരീക്ഷിച്ചു.
SUMMARY: Sabarimala gold theft case; High Court grants permission to inspect Prabhamandalam
