ബെംഗളൂരു: ഡിജിറ്റൽ ആശയവിനിമയത്തിന്റെ തിരക്കിനിടയിൽ കൈയെഴുത്ത് കത്തുകളുടെ സംസ്കാരം പുതുതലമുറയ്ക്ക് പരിചയപ്പെടുത്താൻ ബെംഗളൂരുവിൽ 12 ദിവസത്തെ പ്രത്യേക പരിപാടിക്ക് തുടക്കമായി. ഭാർതിയ മാളിൽ ആരംഭിച്ച പരിപാടി ജൂലൈ 12 വരെ തുടരും.
സന്ദർശകർക്ക് സ്വന്തം കൈപ്പടയിൽ കത്തുകൾ എഴുതാനും അവ തപാൽ മാർഗം അയയ്ക്കാനും അവസരമൊരുക്കിയിട്ടുണ്ട്.
ഇന്ത്യൻ തപാൽ സേവനത്തിന്റെ ചരിത്രം, അപൂർവ സ്റ്റാമ്പുകൾ, കത്തുകളുമായി ബന്ധപ്പെട്ട പ്രദർശനങ്ങൾ എന്നിവയും പരിപാടിയുടെ ഭാഗമാണ്. കുടുംബങ്ങൾക്കും വിദ്യാർഥികൾക്കും ഒരുപോലെ ആകർഷകമാകുന്ന തരത്തിൽ വിവിധ അനുഭവപരിപാടികളും സംഘാടകർ ഒരുക്കിയിട്ടുണ്ട്. ഡിജിറ്റൽ യുഗത്തിൽ നഷ്ടമായിക്കൊണ്ടിരിക്കുന്ന വ്യക്തിപരമായ ആശയവിനിമയത്തിന്റെ മൂല്യം ഓർമപ്പെടുത്തുക എന്നതാണ് പരിപാടിയുടെ പ്രധാന ലക്ഷ്യമെന്ന് സംഘാടകർ അറിയിച്ചു.
SUMMARY: A special 12-day event in Bengaluru to relive the era of letters
