ബെംഗളൂരു: മണ്ണിടിച്ചിലിനെ തുടർന്ന് ട്രെയിൻ ഗതാഗതം നിർത്തിവെച്ച ബെംഗളൂരു മംഗളൂരു പാതയിൽട്രെയിൻ സർവീസുകൾ പുനസ്ഥാപിച്ചു. സകലേഷ്പുര റെയില് പാതയിലെ തടസ്സം നീക്കിയതോടെയാണ് ട്രെയിനുകൾ ഓടി തുടങ്ങിയത്. ശനിയാഴ്ച രാത്രിയാണ് എഡകുമാരി ശ്രീബാഗിലു സ്റ്റേഷനുകൾക്കിടയിൽ പാളത്തിലേക്ക് മണ്ണിടിഞ്ഞു വീണതിനെത്തുടർന്ന് ട്രെയിന് സര്വീസുകള് നിര്ത്തിവെച്ചത്. ഇതേ തുടര്ന്നു കെഎസ്ആർ ബെംഗളൂരു-കോഴിക്കോട് എക്സ്പ്രസ്സ് അടക്കമുള്ള ട്രെയിനുകൾ സേലം വഴി തിരിച്ചുവിടുകയും മറ്റു സര്വീസുകള് താത്കാലിക മായി റദ്ദാക്കുകയും ചെയ്തിരുന്നു.
അറ്റകുറ്റപ്പണികൾ വിജയകരമായി പൂർത്തിയാക്കിയതിനെത്തുടർന്ന്, പുനഃസ്ഥാപിച്ച ട്രാക്കിന്റെ സമഗ്ര സുരക്ഷാ പരിശോധന റെയിൽവേ വകുപ്പ് നടത്തി. എല്ലാ സാങ്കേതിക പരിശോധനകളും പൂർത്തിയാക്കിയ ശേഷം, തിങ്കളാഴ്ച രാത്രിയോടെ ട്രെയിൻ സര്വീസിന് പാതയെ സജ്ജമാക്കി.
