ബെംഗളൂരു: മുതിർന്ന കോൺഗ്രസ് എം.എൽ.എ. ടി.ബി. ജയചന്ദ്രയെ പ്രോടേം സ്പീക്കറായി നിയമിച്ചു. യു.ടി. ഖാദർ ആരോഗ്യവകുപ്പ് മന്ത്രിയായതോടെയാണ് സ്പീക്കർ സ്ഥാനത്ത് ഒഴിവ് വന്നത്. ജൂൺ മൂന്നിനാണ് ഖാദർ മന്ത്രിയായി സത്യപ്രതിജ്ഞ ചെയ്തത്.ഡെപ്യൂട്ടി സ്പീക്കറായിരുന്ന രുദ്രപ്പ ലമാനിയും കൂടി മന്ത്രിയായതോടെയാണ് പ്രോടേം സ്പീക്കർ വേണ്ടിവന്നത്.
ഓഗസ്റ്റ് 13-ന് നിയമസഭാ സമ്മേളിക്കുമ്പോൾ പുതിയ സ്പീക്കറെ തിരഞ്ഞെടുക്കും. സ്പീക്കർ സ്ഥാനത്തേക്ക് റോൺ എംഎൽഎ ജിഎസ് പാട്ടീലിന്റെയും ഡെപ്യൂട്ടി സ്പീക്കർ സ്ഥാനത്തേക്ക് എഎസ് പൊന്നണ്ണയുടെയും പേരുകൾ കോൺഗ്രസ് ഇതിനകം തന്നെ അംഗീകരിച്ചിരുന്നു.
SUMMARY: T.B. Jayachandra Protem Speaker
