തിരുവനന്തപുരം: വയനാട് ദുരന്തബാധിതർക്കായുള്ള ടൗണ്ഷിപ്പ് നിർമാണം മികച്ച രീതിയില് മുന്നോട്ട് പോകുകയാണെന്നും മുഴുവൻ വീടുകളുടെയും നിർമാണം ഒക്ടോബർ അവസാനത്തോടെ പൂർത്തിയാകുമെന്നും മന്ത്രി ടി. സിദ്ദിഖ് വാർത്താസമ്മേളനത്തില് അറിയിച്ചു. 810 ജീവനക്കാർ അവിടെ ജോലി എടുക്കുന്നുണ്ട്. 110 വീടുകളുടെ നിർമാണം ഈ മാസം അവസാനത്തോടെ പൂർത്തിയാകും. മുഴുവൻ വീടുകളുടെയും നിർമാണം ഒക്ടോബറില് പൂർത്തിയാക്കും.
മഴ പെയ്തതുകൊണ്ട് പെയിന്റിങ്ങിന്റെ കാര്യത്തില് കുറച്ച് താമസം വന്നു. ഇപ്പോള് അത് മാറി. ഡിസംബർ മാസത്തോടെ എല്ലാ പ്രവൃത്തികളും പൂർത്തിയാക്കും. ഒരു ആശങ്കയും ആർക്കും വേണ്ട. നേരത്തെ ഷെഡ്യൂള് ചെയ്ത പ്രകാരം എല്ലാ പ്രവൃത്തികളും നല്ല രീതിയില് പുരോഗമിക്കുന്നു. നറുക്കെടുപ്പും പണിയും തമ്മില് ബന്ധമില്ല. അതെല്ലാം സാങ്കേതികമായ കാര്യങ്ങള്. ജീവനക്കാരുടെ കുറവ് അവിടെ ഉണ്ടായിട്ടില്ല.
സാങ്കേതിക പ്രശ്നങ്ങളെ തുടർന്ന് ആദ്യ പട്ടികയില് ഇടം ലഭിക്കാത്ത ദുരന്തബാധിതരെ കൂടി അർഹതപ്പെട്ടവരുടെ പട്ടികയില് ഉള്പ്പെടുത്താൻ നടപടികള് ആരംഭിച്ചിട്ടുണ്ട്. ഇതുമായി ബന്ധപ്പെട്ട് പ്രത്യേക യോഗം ചേർന്ന് സ്ഥിതിഗതികള് വിലയിരുത്തിയിട്ടുണ്ട്. ലിസ്റ്റില് ഉള്പ്പെടാത്തവരുടെ കാര്യത്തില് ഉടൻ തന്നെ അന്തിമ തീരുമാനമുണ്ടാകുമെന്ന് ടി. സിദ്ദിഖ് വ്യക്തമാക്കി.
SUMMARY: Wayanad Township: 110 houses to be completed by the end of this month, says Minister T. Siddique
