പാലക്കാട്: വിഭാഗീയ പ്രവര്‍ത്തനങ്ങള്‍ രൂക്ഷമായ പാലക്കാട് സിപിഎം ജില്ലാ സെക്രട്ടറി ഇ.എന്‍ സുരേഷ് ബാബുവിനെ മാറ്റി. മുന്‍ എംഎല്‍എ വി. ചെന്താമരാക്ഷനാണ് പുതിയ ജില്ലാ സെക്രട്ടറി. സംസ്ഥാന സെക്രട്ടറി എം.വി ഗോവിന്ദന്‍ പങ്കെടുത്ത ജില്ലാ സെക്രട്ടറിയേറ്റ് യോഗത്തിലാണ് തീരുമാനം. ആറ് ഏരിയാ സെക്രട്ടറിമാര്‍ ഉള്‍പ്പെടെ എട്ട് പേരെ ക്ഷണിതാക്കളാക്കി ജില്ലാ കമ്മിറ്റിയില്‍ ഉള്‍പ്പെടുത്തിയിട്ടുമുണ്ട്.
സിപിഎം വിപുലീകൃത ജില്ലാ കമ്മിറ്റി യോഗത്തില്‍ നേതൃത്വത്തിന് വിമര്‍ശനമുയര്‍ന്നിരുന്നു. ജില്ലാ സെക്രട്ടറിക്ക് വിഭാഗീയതയും വിമതനീക്കവും തടയാനായില്ലെന്നാണ് വിമര്‍ശനം ഉയര്‍ന്നത്. ജില്ലയില്‍ നേതാക്കളെ കേന്ദ്രീകരിച്ചുകൊണ്ടാണ് ഗ്രൂപ്പുകള്‍ പ്രവര്‍ത്തിക്കുന്നത്. ഇതൊന്നും തടയാന്‍ ജില്ലാ നേതൃത്വത്തിന് ആകുന്നില്ല. അതാണ് തൃത്താലയിലും കോങ്ങാടും തോല്‍വിക്കിടയാക്കിയത്. ഇവിടെ വ്യക്തികളെ കേന്ദ്രീകരിച്ചുകൊണ്ടുള്ള ഗ്രൂപ്പുകളാണ് പ്രവര്‍ത്തിച്ചത്. പാര്‍ട്ടിക്ക് ഒരു കേന്ദ്രീകൃത സ്വഭാവം ഉണ്ടായില്ലെന്നും വിമര്‍ശനമുയര്‍ന്നിരുന്നു.
SUMMARY: E.N. Suresh Babu replaced; V. Chenthamarakshan becomes CPM Palakkad District Secretary
