ബെംഗളൂരു: സത്യസായി ബാബയുടെ 101-ാം ജയന്തിയാഘോഷങ്ങളോടനുബന്ധിച്ച് പുട്ടപർത്തിയിലേക്കുള്ള (ശ്രീ സത്യസായി പ്രശാന്തി നിലയം) യാത്രക്കാരുടെ അധിക തിരക്ക് പരിഗണിച്ച് ആന്ധ്രയിലെ മന്ത്രാലയം റോഡില് നിന്ന് ബെംഗളൂരു വഴി തിരുവനന്തപുരം സെൻട്രലിലേക്ക് സ്പെഷ്യല് ട്രെയിന് സർവീസ് പ്രഖ്യാപിച്ച് ദക്ഷിണ റെയിൽവേ.
സമയക്രമം:
-
ട്രെയിൻ നമ്പർ 06025 (തിരുവനന്തപുരം – മന്ത്രാലയം റോഡ്): 2026 നവംബർ 22-ന് ഉച്ചയ്ക്ക് 12:40-ന് തിരുവനന്തപുരം സെൻട്രലിൽ നിന്ന് പുറപ്പെട്ട്, നവംബർ 23-ന് ഉച്ചയ്ക്ക് 02:15-ന് (14:15 hrs) മന്ത്രാലയം റോഡിൽ എത്തിച്ചേരും.
-
ട്രെയിൻ നമ്പർ 06026 (മന്ത്രാലയം റോഡ് – തിരുവനന്തപുരം): നവംബർ 24-ന് രാവിലെ 10:30-ന് മന്ത്രാലയം റോഡിൽ നിന്ന് പുറപ്പെട്ട്, നവംബർ 25-ന് ഉച്ചയ്ക്ക് 12:30-ന് തിരുവനന്തപുരം സെൻട്രലിൽ എത്തിച്ചേരും.
പ്രധാന സ്റ്റോപ്പുകൾ (ഇരുദിശകളിലും): വർക്കല ശിവഗിരി, കൊല്ലം, ശാസ്താംകോട്ട, കരുനാഗപ്പള്ളി, കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശ്ശേരി, കോട്ടയം, എറണാകുളം ടൗൺ, ആലുവ, തൃശ്ശൂർ, പാലക്കാട്, പോത്തന്നൂർ, തിരുപ്പൂർ, ഈറോഡ്, സേലം, ബംഗാരപ്പേട്ട്, കൃഷ്ണരാജപുരം, യെലഹങ്ക, ഹിന്ദുപ്പൂർ, ശ്രീ സത്യസായി പ്രശാന്തി നിലയം, ധർമ്മവരം, അനന്തപൂർ, ഗൂട്ടി, ഗുണ്ടക്കൽ, അഡോണി എന്നീ സ്റ്റേഷനുകളിൽ ട്രെയിനിന് സ്റ്റോപ്പുണ്ടായിരിക്കും.
കോച്ചുകളുടെ വിവരങ്ങൾ: ആകെ 18 കോച്ചുകളാണ് ട്രെയിനിലുള്ളത്. എസി 2-ടയർ, എസി 3-ടയർ, സ്ലീപ്പർ ക്ലാസ്, ജനറൽ ക്ലാസ് കോച്ചുകൾ എന്നിവയ്ക്ക് പുറമെ ലഗേജ്-കം-ബ്രേക്ക് വാൻ (ജനറേറ്റർ കാർ സഹിതം), ഭിന്നശേഷി സൗഹൃദ കംപാർട്ട്മെന്റോടുകൂടിയ ബ്രേക്ക് വാൻ എന്നിവയും ട്രെയിനിൽ സജ്ജീകരിച്ചിട്ടുണ്ട്.
SUMMARY: Sathya Sai Baba Jayanti; Special train from Andhra to Thiruvananthapuram via Bengaluru
















